SDÝ - qazaqstandyq JOO arasyndaǵy MISTI oqytý baǵdarlamasyn engizgen jalǵyz oqý orny. Kýrstar praktıkaǵa jáne qoldanbaly ǵylymdarǵa baǵyttalǵan.
Qazirgi ýaqytta bilim berý kýrstary eki sanat boıynsha júrgizilip jatyr. SDÝ bazasynda - almatylyq joǵary oqý oryndarynyń stýdentteri úshin, sondaı-aq Qazaqstannyń ózge óńirleriniń tyńdaýshylary úshin onlaın túrde ótýde, olardyń arasynda mektep oqýshylary, bilim berý mekemeleriniń oqytýshylary jáne stýdentter bar. Jalpy oqytý baǵdarlamasy 50-den astam tyńdaýshy qamtydy. SDÝ magıstri, joba jetekshisi Merarslan Meralıevtyń aıtýynsha, qazaqstandyq stýdentterdi oqytýǵa álemdegi beldi tehnıkalyq joǵary oqý ornynyń mentorlary kelgen. Olar - monǵolııalyq Týgsý Manlaıbator, MIT-tiń 4-kýrs stýdenti jáne MIT magıstri Karolın Holz. Týgsý «Mashınalyq oqytýǵa kirispe» boıynsha dáris oqysa, Karolın zamanaýı dızaınnyń negizderi boıynsha kýrstar ótkizetin bolady.
Dárister aǵylshyn tilinde ótedi. Kýrs tyńdaýshylaryna sertıfıkattar beriledi.
Elvıra SERIKQYZY,
«Egemen Qazaqstan»
ALMATY
