«Eurocopter EC 130 T2 tikushaǵynyń apatqa ushyraý faktisine baılanysty tirkeý nómiri UP-EC038 «Sky Service» AQ avıokompanııasy 2019 jylǵy 18 qańtardan bastap reısterin ýaqytsha toqtatady», - delingen habarlamada.
Aýa-raıynyń qolaısyzdyǵyna baılanysty komıssııa avıakompanııalar men operatorlarǵa azamattyq avıasııadaǵy jumys erejelerin saqtaýdy talap etti.
Aıta keteıik, keshe saǵat 16:05-te Almaty qalasy aýmaǵynda «Sky Service» áýekompanııasyna tıesili «Evrokopter-130» markaly tikushaǵy apatqa ushyrady. Málim bolǵandaı, áýe kemesi shahardyń Naýryzbaı aýdanyna qarasty «Alataý» shıpajaıynyń ashyq alańqaıyna qulaǵan. Apat saldarynan áýe kemesiniń 1968 jyly týǵan komandıri Valentın Shıtov oqıǵa ornyna jetken jedel-járdem karetasynda qaza tapty.
