Aıta keteıik, 2018 jyldan bastap azamattar avtomatty rejımde jumys isteıtin sertıfıkattalǵan arnaıy baqylaý-ólsheý tehnıkalyq quraldarymen jáne aspaptarymen tirkelgen ákimshilik aıyppuldy jeti kún ishinde tólese, kórsetilgen somany 50% jeńildikpen tóleý qarastyrylǵan.
«Tártip buzýshyǵa aıyppuldy óz erkimen 30 kúnnen keshiktirmeı tóleýge múmkindik beriledi. Kórsetilgen merzimnen keıin májbúrlep óndirip alý úshin is sot oryndaýshylarǵa beriledi», - delingen PD-nyń habarlamasynda.
Aıyppuldardy online rejımde egov.k elektrondy úkimet portaly arqyly, qamqor.gov.kz, egov.kz. mobıldik qosymshalaryndaǵy ınternet saıttar arqyly tekserýge jáne tóleýge bolady.
Buǵan qosa, polısııa ákimshilik aıyppuldar bıýdjetke mynadaı derektemeler boıynsha aýdarylatynyn aıtty: KBK 204106, IIK KZ24070105KSN0000000, BIK KKMFKZ2A, KNP 993, SǴÚ (Saryarqa aýdanynyń salyq komıteti). Aıyppul tólenbegen jaǵdaıda, aıyppul salý týraly qaýly nemese aıyppul tóleý qajettigi týraly nusqama óńirlik jeke sot oryndaýshylar palatasyna jiberiledi.
