2018 jyl óńirdiń aýyl sharýashylyǵy úshin jaman bolǵan joq. Aýyl sharýashylyǵy basqarmasynyń málimeti boıynsha, óńir sharýalary 228,2 mlrd teńgege nemese byltyrǵydan 6,2% deńgeıden kóp ónim óndirip, ótken jylmen salystyrǵanda 17,2 mlrd teńge nemese 156,1% ınvetısııa tartylǵan.
Sýarmaly jerler alańy 758,4 myń gektardy qurady, bul 2017 jylmen salystyrǵanda 102,4 myń gektarǵa nemese 15,6%-ǵa kóbirek. 440 myń jerge dándi daqyldar egildi. Jınalǵan astyqtyń jalpy kólemi 514,0 myń tonna, ortasha túsim 11,7 s / ga.
Oblysta 190 aýyl sharýashylyǵy kooperatıvi jumys isteıdi. Olardyń ishinde 105-i et, 64-i sút, 6-ýy dástúrli aýyl sharýashylyǵymen jáne 15-si kókónis sharýashylyǵymen aınalysady.
Byltyr 9,7 mlrd teńge sýbsıdııa bólingen bolatyn. Barlyq qarjy ınstıtýttary men nesıe uıymdarynan 25,3 mlrd teńge alyndy, bul 1620 jobany qarjylandyrýǵa múmkindik berdi.
Mal sharýashylyǵynda mal basynyń kóbeıgeni baıqalady. Iri qara mal basy sany 9% (464 myń bas), qoı-eshki 2,2% (1109,4 myń bas), shoshqa 12,8% (57,4 myń bas), jylqy 14,2% (128,7 myń bas) jáne túıe 1,1% (17,5 myń bas) ósti. О́tken jyldyń ishinde 2 541,5 tonna et eksporttaldy, bul 2017 jylǵa qaraǵanda 4,7 ese kóp.
Alaıda, Berdibek Saparbaev oblys aýdandarynyń barlyǵy birdeı jergilikti aýyl sharýashylyǵy ónimderin eksporttamaıtyndaryn atap ótti. Aýdan ákimderi men basqarma basshylaryna atalmysh baǵytty baqylaýǵa alýǵa tapsyrma berildi.
Dástúrli emes aýyl sharýashylyǵy salasyna keler bolsaq, búginde óńirde 57 sút, 17 ara ósiretin sharýashylyqtar, 58 bódene, 1 maral ósiretin, 49 qaz jáne 43 úırek fermasy bar, 38-i sharýashylyq úı qoıandaryn ósirýmen aınalysady. Oblysta barlyǵy 263 fermerlik sharýashylyq pen sharýa úıleri dástúrli emes aýyl sharýashylyǵymen aınalysady. Dástúrli emes aýyl sharýashylyǵy daqyldaryn jınaıtyn alań ótken jyldarmen salystyrǵanda 2,5 ese kóbeıdi. Biraq, óńir basshysy maıly daqyldardy ósirýmen belsendirek aınalysýdy, al sharýalarǵa omartashylyq sekildi salaǵa nazar aýdarý kerektigin atap ótti.
Budan basqa, oblys basshysy ósimdik sharýashylyǵynyń jańa tásiline qatysty suraqtyń burynnan kóterilip kele jatqanyn eske saldy.
«Resýrstardy, sonyń ishinde tabıǵı restýrstardy paıdalaný kerek. Sý aıdyndarynda, kólder men ańǵarlarda kókónis daqyldaryn ósirý qajet. Mektepter oqý ǵımaratynyń janynan óz jylyjaılaryn salýlary kerek. Bul oqýshylar úshin jaqsy tájirıbe ǵana emes, sonymen qatar, ózderin kókókis qorymen tolyqtaı qamtýǵa jaqsy múmkindik. Al Oıyl aýdany «Oıyl tarysynyń» burynǵy ataǵyn baıaǵyda-aq qalpyna keltirýleri kerek edi»,- dedi ol.
Jıyndy túıindegen Berdibek Saparbav aýyl sharýashylyǵyna sıfrlandyrýdy engizý, memlekettik baǵdarlamalardy tıimdi júzege asyrý jumystaryn kúsheıtýdi tapsyrdy.
Jıyn semınarmen jalǵasyp, sybaılas jemqorlyqqa jol bermeý jáne memlekettik qyzmet kórsetý salasyndaǵy ózekti suraqtar talqylandy. Aqtóbe oblysynda «Bıznestiń jol kartasy-2020» memlekettik baǵdarlamasyn júzege asyrý, áleýmettik nysandardy jobalaý, Jastar jylynda Jastar resýrstary ortalyǵynyń jumys josparlary týraly baıandamalar tyńdaldy.
