Búgingi tańda «Nur Kapıtal» óńirlik baǵdarlamasy boıynsha 1847 jańa jumys ornyn qurýmen 3,4 mlrd.teńge somasyna 193 joba maquldandy. Onyń ishinde naqty 42 joba iske qosylyp, nátıjesinde 390 jańa jumys orny quryldy. (jalpy kredıt sommasy 818,9 mln. teńge). 193 jobany usynǵan azamattardyń ishinde 30-ǵa jýyǵy jastar.
Aımaq basshysymen kezdesýde 40-qa jýyq kásipker múshe óńirlik kásipkerler klýby týraly aıtyldy. Klýbtyń basty maqsaty - kásipkerlikti damytý jáne kásipkerlerdiń jeke dara qalyptasýyna jol ashý, tájirıbe almasý jáne kommýnıkasııalar almasý alańyn qalyptastyrý dedi. «ACS» JShS kommersııalyq dırektory Súgirbaı Aıat - Kompanııa 2005 jyldan beri oblysta qurylys salasymen aınalysyp jatqany jaıynda jáne búginde 27 adamdy turaqty jumyspen qamtamasyz etip otyrǵanyn aıtty. Kım Alena Iýrevna- «Childrens club» balalardy damytý ortalyǵynyń dırektory. Ol - Aqtaý men Jańaózen qalalarynda ortalyqtaryn ashyp, qazir 600-den astam balanyń bilimin damytýǵa, shyǵarmashylyǵyn shyńdap, mektepke daıarlaýǵa at salysýda. 2016 jyly ashylǵan kásiptiń arqasynda 25 adamdy jumyspen qamtasyz etip keledi. Qaıyrymdylyq retinde aıyna 5 múgedek balany damytýǵa qoldaý kórsetedi.
Aldaǵy ýaqytta kásipkerler palatasynyń muryndyq bolýymen tyń jobalar, erekshe ıdeıalardyń júzege asýy nazarda, deıdi Mańǵystaý oblysy kásipkerler palatasynyń basshylyǵy.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy
