Doha-Almaty reısi alǵashqy kezeńde aptasyna eki ret qatynaıtyn bolady.
«Doha men Almatyny baılanystyratyn jańa baǵyt halyqaralyq júk tasymaly tájirıbesin ıgerýge múmkindik beredi. Sonymen qatar, áýejaıdyń aımaqtaǵy logıstıkalyq habqa aınalýyna jaǵdaı týǵyzady, óıtkeni áýetasymaldaýshylar Dohaǵa tek qazaqstandyq júkterdi ǵana emes, kórshi elderdiń de júgin tasymaldaıtyn bolady», -delingen habarlamada.
Jańa reıs sondaı-aq Katar men Qazaqstan arasyndaǵy saýda-ekonomıkalyq yntymaqtastyqty damytýǵa da ós septigin tıgizbek.
«Dúnıe júzi boıynsha ekonomıkasy jaqsy damyǵan elderdiń qataryna jatatyn Katar elimizden azyq-túlik ımporttaýǵa qyzyǵýshylyq tanytyp otyr. Ásirese un, astyq, et jáne taǵy basqa azyqtardy. Eki el arasyndaǵy turaqty áýe qatynasy máselesi ońynan sheshiletin bolsa Qazaqstan men Katardyń ekonomıkalyq baılanysy jańa deńgeıge kóterileri edi», -delingen habarlamada.
Bul jónindegi memorandýmǵa 29 qańtar kúni Astanada josparlanǵan kezdesýde qol qoıylady dep kútilýde. Onda QR Azamattyq avıasııa komıtetiniń tóraǵasy Talǵat Lastaev pen Katardyń azamattyq avıasııa komıtetiniń prezıdenti Abdýlly Nasser Týrkı Ál-Sýbaıa kezdespek.
