Is-sharanyń maqsaty - kóshi-qon zańnamasyn buzý faktilerin anyqtap, jolyn kesý, zańsyz kóshi-qonǵa tosqaýyl qoıý, sondaı-aq sheteldik azamattar men azamattyǵy joq tulǵalardyń tarapynan jasalatyn qylmystardy boldyrmaý. Polıseıler úsh kúnniń ishinde kóshi-qon zańnamasyn buzý boıynsha 457 faktini anyqtady.
Sheteldik azamattardyń QR aýmaǵynda júrip-turý qaǵıdasyn buzý faktisi boıynsha sheteldik azamattarǵa 377 ákimshilik hattama toltyrylǵan. Kóshi-qon salasyndaǵy zańnamany buzǵany úshin sheteldik azamattar men azamattyǵy joq tulǵalardy qabyldaǵan Qazaqstannyń 20 azamaty jaýapkershilikke tartylsa, sheteldikterdi tıisti qujatsyz jumysqa tartqany úshin 6 jumys berýshige qatysty ákimshilik óndiris qozǵaldy.
Sonymen qatar, mamandandyrylǵan ákimshilik sotynyń sheshimimen 33 sheteldik azamat elden shyǵaryldy, 117 sheteldik azamatqa qatysty ýaqytsha júrip-turý merzimin qysqartý jóninde sheshim qabyldandy. Is-shara kórsetip bergendeı, sheteldikter tarapynan jasalǵan negizgi zańbuzýshylyqtar - elge kirý, shyǵý jáne Qazaqstan Respýblıkasynda júrip-turý tártibin buzý.
