19 Qańtar, 2019

​SIM basshysy Tájikstan elshisin qabyldady

224 retkórsetildi

Syrtqy ister mınıstri Beıbit Atamqulov Tájikstannyń Qazaqstandaǵy Elshisi Nazırmad Alızodamen onyń Qazaqstandaǵy dıplomatııalyq mıssııasynyń aıaqtalýyna oraı kezdesý ótkizdi.

SIM basshysy tájik dıplomatyna qazaqstan-tájik qatynastarynyń damýyna jáne eki el arasyndaǵy strategııalyq seriktestikti nyǵaıtýǵa qosqan úlesi úshin alǵysyn bildirdi. N. Alızodanyń Qazaqstandaǵy dıplomatııalyq qyzmeti barysynda Astana men Dýshanbe arasynda qol qoıylǵan birqatar mańyzdy qujattarǵa, sonyń ishinde Strategııalyq áriptestik týraly kelisimge qol qoıylǵandyǵy atap ótildi.

Sol kúni B. Atamqulov Tájikstannyń Syrtqy ister mınıstri Sırodjıddın Mýhrıddınmen telefon arqyly sóılesip, onyń barysynda ekijaqty yntymaqtastyq jáne halyqaralyq uıymdar, ásirese Azııadaǵy ózara yqpaldastyq jáne senim sharalary jónindegi keńesi aıasynda ózara is-qımyl máselelerin talqylady.

Qazaqstan men Tájikstan memleket basshylary deńgeıinde saýda-ekonomıkalyq yntymaqtastyqty keńeıtýge jáne eki jaqty saýdany ulǵaıtý boıynsha qol jetkizilgen ýaǵdalastyqtardy júzege asyrýyna erekshe nazar aýdaryldy.

Eki memleket basshylarynyń tapsyrmalaryna sáıkes, Qazaqstan men Tájikstan arasyndaǵy taýar aınalymynyń ilgerilemeli ósýi, ony 2019 jyly 1 mlrd. AQSh dollarǵa jáne 2020 jyly 2 mlrd. AQSh dollarǵa deıin ulǵaıtýdyń alǵysharttarynyń bolýy atap ótildi. Taraptar sondaı-aq aldaǵy halyqaralyq sharalar kestesin talqylady. 

Tájikstannyń Syrtqy ister mınıstri sondaı-aq eki el arasyndaǵy ekijaqty qarym-qatynastardy nyǵaıtýǵa eleýli úles qosqan Dýshanbedegi Qazaqstannyń burynǵy Elshisi Nurlan Seıtimovtyń jumysyna joǵary baǵa berdi. 17 qańtarda N.Seıtimov Qazaqstan Respýblıkasy Syrtqy ister mınıstrliginiń Jaýapty hatshysy laýazymyna taǵaıyndaldy.

Sońǵy jańalyqtar

Dzıýdo: Búgin júlde buıyrmady

Kúres • Búgin, 18:33

Elordada «Abaı álemi» ortalyǵy salynady

Rýhanııat • Búgin, 18:06

Prezıdent ákimdermen keńes ótkizdi

Prezıdent • Búgin, 17:55

Prezıdent qar tazalaý chellendjin qoldady

Prezıdent • Búgin, 09:19

Azyq-túlik baǵasy alańdatady

Parlament • Búgin, 08:12

Uqsas jańalyqtar