О́tken jyldyń qorytyndysy týraly Aqtóbe oblysy ákiminiń orynbasarlary esep berdi. Baıandamalarǵa sáıkes, Aqtóbe oblysy eki jyl (2017, 2018) qatarynan ekonomıka ósimin 5% deńgeıde ustap keledi
«Jumyla atqarǵan jumystardyń, Elbasy, Úkimet qoldaýlarynyń jáne barlyq memlekettik baǵdarlamalardy júzege asyrýdyń arqasynda biz Prezıdenttiń ekonomıka damýynyń qarqynyn tómendetpeý jónindegi tapsyrmasyn oryndaı aldyq. Barlyq negizgi áleýmettik-ekonomıkalyq kórsetkishter boıynsha ósimge qol jetti. Bizdiń osy jylǵy mindetimiz – óńirdi ári qaraı damytyp, halyqtyń ál-aýqatyn jaqsartý úshin barlyq rezervterdi paıdalaný»,-dep atap ótti jıyndy ashqan Berdibek Saparbaev.
Aldyn ala málimetterge sáıkes, 2018 jyldyń qorytyndysy boıynsha ónerkásip ósiminiń deńgeıi 5,6% qamtylǵan, rekordtyq soma bolyp tabylatyn 1,9 trln. teńgege ónim óndirilgen (2017jyl – 1,55 trln. teńge). Aýyl sharýashylyǵy ósimi 6,2% deńgeıde, barlyǵy 228 mlrd teńgege ónim óndirildi.
Ekonomıkaǵa 516 mlrd teńge ınvestısııa tartyldy, ósim 10,8% (2017 j - 437 mlrd. teńge), bul - bizdiń oblys úshin joǵarǵy kórsetkish. Sondaı-aq, 900 myń sharshy metrden astam turǵyn úı paıdalanýǵa berildi. Qurylys jumystarynyń kólemi oblys boıynsha 9,5% ósti. 20 myńnan astam jańa jumys orny quryldy (2017 j - 17 myń)
Shoǵyrlandyrylǵan bıýdjetke 13% ósimmen 535 mlrd. teńge rekordtyq kólemdegi qarajat túsip, bıýdjetti ıgerý 100% qurady.
О́ńir basshylyǵy áleýmettik-ekonomıkany ári qaraı damytý maqsatynda 2019 jyly birqatar mańyzdy jobalardy júzege asyrýdy josparlap otyr. Atap aıtqanda, eldi mekenderde ınfraqurylymdy damytý kezinde bıýdjet qarajatyn neǵurlym tıimdi jumsaý úshin «Adamdar ınfraqurylymǵa» modeli negizinde oblysty damytýdyń 5 jyldyq jańa baǵdarlamasy ázirlenetin bolady.
Budan basqa, bos ken oryndarynyń áleýetin paıdalanýǵa jumystar jasalady. 2018 jyly 18 ken orny boıynsha jer qoınaýyn paıdalanýǵa kelisimsharttar jasaldy. Bul rette áleýeti ashylmaǵan áli de 160 rezervtik ken orny bar.
Jergilikti bılik kúshi sondaı-aq, shaǵyn jáne orta bıznesti damytýǵa da baǵyttalatyn bolady. Bul úshin 22 mlrd teńgeden astam qarajat qarastyrylǵan, onyń ishinde 5,1 mlrd teńge «Bes áleýmettik bastama» aıasynda shaǵyn nesıeleýge bólinedi.
Densaýlyq saqtaý basqarmasynda MJS aıasynda Iаdrolyq medısına ortalyǵy, Chek-ap ortalyǵy, balalar onkologııalyq gemotologııa ortalyǵy syndy biregeı jobalardy júzege asyrý jalǵasyp, bilim salasynda kem degende 25 jeke balabaqsha men 10 jańa mektep ashylmaq.
Aıta keteıik, byltyr oblystaǵy barlyq mektepter jańa kompıýterlermen 100% qamtylsa, bıyl Elbasy tapsyrmasyna sáıkes barlyq balabaqshalar men mektepter beınekameralarmen jaraqtanatyn bolady.
Budan ózge, osy jylǵa 1 mln. sharshy metrden astam turǵyn úıdi paıdalanýǵa berý, kem degende 50 ónerkásip kásiporyndaryn jańǵyrtý, 21 myń jańa jumys oryndaryn qurý jáne aqtóbelikterdiń eńbekaqysyn ári qaraı kóbeıtý mindetteri qoıylǵan.
Kezdesý Aqtóbe ákimi Ilııas Ispanovtyń qalanyń 150 jyldyǵyn merekeleýge daıyndyq barysy týraly esebimen aıaqtaldy. Aımaq basshysy Berdibek Saparbaev mereıtoıǵa daıyndyq jumystaryna ár aqtóbeliktiń belsendi qatysýy kerektigin atap ótti.
«Mereıtoı qalanyń damýyndaǵy mańyzdy kezeń bolýy kerek, konsertter men basqa da oıyn-saýyq is-sharalaryn ótkizýmen ǵana shektelýge bolmaıdy. Bul oqıǵany biraz jyldar boıy eske túsiretin jáne aqtóbelikterdiń paıdasyna qyzmet etetin kóptegen jobalar bolady. Olardy iske asyrýǵa erekshe jaýapkershilikpen qaraý kerek. Sonymen qatar, bir de bir aqtóbelik óz qalasyn damytý úshin syrt qalmaı, óz úlesterin qosýy kerek. Biz barlyǵymyz birge kúsh - jigerimizben kóp nárse jasaı alamyz», - dedi oblys ákimi.
