Irikteý kezeńindegi úsh matchta Kırıll vengrııalyq Andrashty Sabýdy 4:0, qytaılyq Sıý Inbındi 4:0, ıspanııalyq Alvaro Roblesti 4:1 esebimen jeńdi.
1/16 fınalda bizdiń jerlesimizdi basqa emes, álemniń birinshi raketkasy, tórt dúrkin álem chempıony, álem kýboginiń tórt márte ıegeri Fan Jendong (Qytaı) kútip turǵan bolatyn. Tartysty ótken kezdesýde Gerasımenko 2:4 esebimen qarsylasqa jol berdi.
«Kırıll bul týrnırde óte jaqsy oıyn kórsetti. Onyń deńgeıi ósip keledi. Avstrııadaǵy Pro Týrda oǵan azdaǵan sáttilik jetispegen edi. Sodan beri Kırıll óz oıyn órnegin jaqsartyp, buryn ózi úshin qıynǵa soǵatyn qarsylastaryn ońaı ári senimdi túrle uta bastady. Altynshy sette bizdiń sportshy Fan Jendongtan 10:9 esebimen basym turdy. Eger sońyna deıin jeńisti bermegende, jetinshi kezeńde esep teńeser edi. О́kinishke qaraı, álemniń birinshi raketkasy jeńisti ońaılyqpen bermeıdi. Kırıll úshin atalǵan kezdesý úlken tájirıbe boldy», - deıdi ulttyq quramanyń keńesshisi Dmıtrıı Levenko.
