О́ńir turǵyndaryna jaryq pen jylý taratýmen aınalysatyn alpaýyt kásiporyn ekologııalyq qorǵaý sharalaryna jylyna orta eseppen 800 mıllıon teńge qarastyryp keledi. Bıyl da qorshaǵan ortaǵa keltiretin zalal kólemin aıtarlyqtaı azaıtyp, zııandy qaldyqtardy barynsha az shyǵarýǵa, bul maqsatqa ozyq tehnologııalardy keńinen qoldanýǵa mindettenip otyr.
«SEVKAZENERGO» AQ qorshaǵan ortany qorǵaý bóliminiń basshysy Anna Aıtıkeevanyń aıtýynsha, mekeme jylyna zııandy zattardyń shamamen 30 myń tonnasyn bólip shyǵarady. Berilgen norma – 48 myń tonna. Iаǵnı, bólingen qomaqty qarajat maqsatty jumsalyp jatyr degen sóz.
Kompanııanyń enshiles qurylymy- № 2 Petropavl jylý elektr ortalyǵynda ekologııalyq monıtorıng zerthanasy jumys isteıdi. Munda mamandar túrli synaqtar júrgizip, zııandy zattardyń aýaǵa, jerge jáne sýǵa shamadan tys shyǵarylmaýyn júıeli qadaǵalap otyrady.
«Saraptama júrgizetin arnaıy beketter atmosferalyq aýanyń, sýdyń jáne topyraqtyń synamalaryn alyp, olardyń quramyndaǵy zııandy qaldyqtardyń mólsherin anyqtaıdy. Eger ol ruqsat etilgen mólsherden artyq bolsa, birden qorshaǵan ortany qorǵaý bólimine eskertý hat joldanady. Sóıtip tıisti sharalar qoldanylady» deıdi Ekologııalyq monıtorıng zerthanasynyń jetekshisi Valentına Krotevıch.
«SEVKAZENERGO» AQ-y Petropavlǵa elektr qýatyn jiberetin qurylǵylardyń basym bóligin almastyryp, jańalaryn ornatty. Olar endi maımen emes, gazben jumys isteıdi. Ekologııalyq taza óndiriske kóshýdegi mańyzdy qadam ózin-ózi aqtap otyr. Búginde JEO-daǵy 12 qazandyqtyń barlyǵyna tıtandyq emýlgatorlar, ıaǵnı arnaıy súzgiler qoıylǵan. Olar qorshaǵan ortany lastaıtyn kúkirt, mazýt shaıyry men kúıe syndy qaldyqtardy ózinde ustap qalady.
О́mir ESQALI,
«Egemen Qazaqstan»
Soltústik Qazaqstan oblysy
