Jatyr moıny obyry jatyr moıyny epıtelııinde paıda bolatyn qaterli isik bolyp tabylady. Qazirgi tańda mamandar adam papıllomasy vırýsy (APV) men jatyr moıny obyrynyń damý qateri arasyndaǵy baılanys bar ekendigin dáleldep otyr.
Qazaqstanda onkopatologııa qurylymynda jatyr moıny obyry sút bezi qaterli isiginen keıingi ekinshi orynda tur. Jyl saıyn elimizde 1700-den astam adamda jatyr moıny obyry anyqtalady jáne onyń 600-ge jýyǵy kóz jumady.
Jatyr moıny obyry 40-44 jastaǵy qyz-kelinshekter arasynda jıi baıqalady.
О́z kezeginde elimizde 2008 jyldan beri jatyr moıny obyryn erte anyqtaý jónindegi Ulttyq skrınıng baǵdarlamasy áreket istep keledi
Dúısenbide ótken baspasóz máslıhatynda QR DSM «Qazaq onkologııa jáne radıologııa ǵylymı-zertteý ınstıtýtynyń» basqarma tóraıymy, QR DSM bas onkology Dılıara Qaıdarova, Qazaq onkologııa jáne radıologııa ǵylymı-zertteý ınstıtýtynyń onkogınekologııa bólimshesiniń meńgerýshisi Erlan Kókibasov, tájirıbeli onkogınekolog Tolqyn Sadyqova syndy elimizdiń jetekshi onkologtary atalmysh derttiń aldyn alý, onyń ishinde jatyr moıny obyry men jatyr moıny obyrynyń belgileri, vaksınasııalaý qaýipsizdigi týraly keńinen baıandady.
Sondaı-aq, qańtar aıynda Qazaqstannyń onkologııalyq uıymdarynda jatyr moıny obyrynyń aldyn alý boıynsha sharalar ótedi.
Elimizdiń bas onkology Qazaq onkologııa jáne radıologııa ǵylymı-zertteý ınstıtýtynda, sondaı-aq elimizdiń barlyq onkologııalyq mekemelerinde 2019 jyldyń 26 qańtarynda saǵat 09.00-den 14.00-ge deıin jatyr moıny obyrynyń aldyn alý jáne erte anyqtaý úshin Ashyq esik kúni ótetindigin málimdedi.
Bul kúni áıelder tegin keńes ala alady, sonymen qatar onkogınekologtan tekseristen ótip, ózderin qyzyqtyrǵan barlyq suraqtaryn qoıa alady.
Aınash ESALI,
«Egemen Qazaqstan»
ALMATY
