Qazirgi kezde erejesiz jekpe-jek óneriniń has sheberleriniń birine aınalyp otyrǵan Q.Ahmetov 1987 jyly Almaty oblysyndaǵy Sarqan aýdanynyń Baqaly aýylynda dúnıege kelgenimen, onyń balalyq jáne jastyq shaǵy Almatynyń irgesindegi Ashybulaq eldi mekeninde ótti. Sol jerde júrip, grek-rım kúresimen shuǵyldandy. Birqatar halyqaralyq týrnırlerde júldegerler qataryna qosylyp, sport sheberi normatıvin oryndady. Qazaqstan ulttyq qurama komandasy sapyna qabyldanyp, túrli básekelerde el namysyn qorǵady.
– Balýandyq ónerde birshama tabysqa jetkenimmen, el chempıonatynda top jarý baqyty maǵan buıyrmady, – dep bastady óz áńgimesin sportshy. – Sodan erejesiz jekpe-jekke ańsarym aýdy. Oǵan túrtki bolǵan myna jaıt: birde Boraldaı aýylynda turatyn dosym Almas Juparovtyń úıine qonaqqa bardym. Qasymda ózimniń synyptas dosym, grek-rım kúresinen sport sheberi Qýat Hamıtov bar. Almastyń ákesi ári jeke bapkeri Ońalsyn aǵa «erejesiz jekpe-jekten baq synaýǵa qalaısyńdar?» degen tosyn usynys jasady. Kúsh-qýatymyz boıymyzǵa syımaı turǵan bizder birden kelistik. Kelesi kúni Boraldaıdaǵy «Krıstall» sport klýbyna baryp, sol jerde jattyǵyp júrgen eń myqty degen qos sportshymen kúsh synastyq. Qýat ta, men de aıqyn jeńiske qol jetkizdik. Atalǵan klýbtyń bapkeri Almas Álizaqovqa ónerimiz unady. Sol kisiniń qol astynda bir aı jattyqqannan keıin Almatyda úzdiksiz uıymdastyrylyp turatyn «Jeleznaıa Orda» týrnırine qatysýdy uıǵardyq. Bul 2012 jyldyń orta tusy edi. Alǵashqy kezdesýimdi «Saladdın» klýbynyń ókiline qarsy ótkizdim. Qarsylasym menen áldeqaıda iri. Salmaǵy – 65 kılo. Boıy da ájeptáýir uzyn. Al meniń salmaǵym nebári 57 kılo. Biraq uıymdastyrýshylar osylaı dep uıǵarǵannan keıin sheginerge jol joq edi. Tóreshi belgi bergen bette ekeýmiz aıqasa kettik. Ońtaıly tusta onyń moınynan myqtap ustadym da, qylqyndyra bastadym. Qarsylasym tyrp ete almady. Arada birer sekýnd ótkende tóreshi «toqta» dedi. Ýysymdy bosatqan edim, ol sylq etip jerge qulady. Sóıtsem, qarsylasym esinen tanyp qalypty. Mine, erejesiz jekpe-jek ónerindegi meniń alǵashqy qadamym osylaı bastaldy.
Eki-úsh jekpe-jekten keıin-aq Danııar Qasqaraýov jetekshilik etetin «Alash Praıd» kásipqoı klýby Qaırat Ahmetovti óz qamqorlyǵyna aldy. Sol kezden bastap birqatar halyqaralyq dodalarda dara shyqqan Ahmetovtiń ataǵy biraz jerge tarady. Ol elimizde jáne shet memleketterde ótken kóptegen týrnırde top jardy. Bir ǵajaby, qandasymyz 2010-2017 jyldar aralyǵynda ótkizgen 16 básekeniń barlyǵynda basymdyq tanytty. 15 kezdesýdi merziminen buryn aıaqtady. О́ziniń ár jeńisinen keıin «Qara jorǵany» naqyshyna keltirip turyp bıleıtin qazaqtyń qoltoqpaqtaı jigiti barsha kórermenniń kózaıymyna aınaldy.
– Ár sportshynyń óz «fıshkasy» bolady. Ásirese aıqas alańyna shyqqandar san alýan qımyl-qozǵalys jasap, túrli áreketterge baratynyn ózderińiz de baıqap júrgen shyǵarsyzdar. Men qazaqtyń bıi «Qara jorǵany» tańdadym. Shyny kerek, alǵashqy kezderi bıleýge júreksinip júrdim. «Kórermender ony qalaı qabyldaıdy eken?» degen oı mazalady. Bapkerlerimmen aqyldasa kele, osyǵan toqtaldym. Qazir oǵan esh ókinbeımin. Meniń oryndaýymdaǵy «Qara jorǵa» jankúıerlerdiń kóńilinen shyqqanyna senimdimin.
Qazaqstanda qarsylas shydatpaǵan Q.Ahmetov 2015 jyly Sıngapýrde irgetasy qalanǵan ONE FC dep atalatyn Azııa qurlyǵyndaǵy eń beldi uıymmen kelisimshartqa otyrdy. Bul rette de ol óziniń myqtylyǵyn moıyndatty. О́ziniń alǵashqy kezdesýinde Brazılııanyń myqtysy Adrıano Moraesti upaı sanymen utqan qandasymyz jeńil salmaqtaǵy chempıondyq belbeýdi ıelendi.
ONE FS-de dittegen maqsatyna qol jetkizgennen keıin Ahmetov álemdegi eń beldi uıym – UFC-de kúsh synasýdy kózdedi. Alaıda, sıngapýrlyq uıym basshylarynyń áli eshkimnen jeńilmegen ójet, batyl ári san qyrly osyndaı sportshyny eshqaıda jibergisi joq edi. Ańsary Amerıkaǵa aýǵan qazaq sportshysynyń olar jolyn bógep, eki jyl boıy jekpe-jekke shyǵarmady. Uzaqqa sozylǵan úzilisten keıin A.Moraespen qaıta shyqqan Q.Ahmetov qarsylasyna ese jiberip, altyn belbeýden aıyryldy. Odan keıin taǵy úsh kezdesý ótkizgen ol ekeýinde jeńiske jetip, birinde jeńilistiń kermek dámin tatty. Al resmı derekterge súıensek, aıtýly sportshy osy kúnge deıin ótkizgen 20 básekeniń 18-inde basymdyq tanytty. 11 jekpe-jekti merziminen buryn aıaqtady. Eki kezdesýde óz qarsylastaryna upaı sanymen ese jiberdi.
Qazirgi kezde 31 jastaǵy Q.Ahmetov úshin UFC-ǵa jol ashatyn taǵy bir tamasha múmkindik týyndap otyr. Ol úshin jaqynda tusaýy kesiletin Gran-prı týrnırinde top jarý qajet. Árıne bul ońaı sharýa emes. Sebebi eń úzdik segiz sportshynyń basyn qosqaly otyrǵan aıtýly jarysta kil myqtylar ǵana óner kórsetedi. Solardyń qatarynda qandasymyzdyń eski tanystary da bar. Kezinde ol brazılııalyq Adrıano Moraes pen fılıppındik Djehe Eýstahıony bir-bir retten utyp, bir márte utylǵan. Jarys jolyna shyǵatyn basqa da jigitter óte qarýly. Al bul Gran-prıdiń basty favorıti – Demetrıýs Djonson ekeni daýsyz. 32 jastaǵy AQSh sportshysy 2012 jyldyń kúzinde UFS uıymynyń chempıondyq belbeýin ıelenip, sol ataǵyn 11 márte sátti qorǵady. Bul – rekordtyq kórsetkish! «Qýatty tyshqan» degen búrkenshik esimmen tanylǵan Djonson barlyǵy 31 kezdesý ótkizip, 27 ret jeńiske jetti. 15 jekpe-jegin merziminen buryn aıaqtady. Úsh ret utylyp, taǵy bir básekede teń esep tirkeldi.
Desek te Q.Ahmetov eshkimnen qaımyqpaıdy. Kerisinshe, osyndaı myqtylarmen kúsh synasýǵa múmkindik berilgenine ol dán rıza. О́ziniń bir sózinde qandasymyzdyń: «Bul bir keremet jarys bolatynyna esh kúmán bolmaýǵa tıis. Ásirese men Demetrıýs Djonsonnyń
ONE ǴS uıymyna aýysqanyn estip qatty qýandym, tipten shattandym dese de bolady. Ol erejesiz jekpe-jekte ǵana emes, kúlli sport áleminde túbegeıli moıyndalǵan tulǵa. Dál osyndaı deńgeıi asa joǵary, aty ańyzǵa aınalǵan sportshymen aıqasý meniń kópten bergi armanym edi», dep aǵynan jarylǵany bar.
Alash jurtynyń Qaırat Ahmetovke degen senimi zor. Aıqas alańyna «Qazaq» degen búrkenshik esimmen shyǵyp júrgen qandasymyz Gran-prı týrnırinde baryn salýǵa tıis. Eger osy jospar júzege assa, onda qazaqtyń qaısar ulyna UFS-ge dańǵyl jol ashylady.
Ǵalym SÚLEIMEN,
«Egemen Qazaqstan»
