Sport • 21 Qańtar, 2019

Urlanǵan týdyń tarıhy

203 retkórsetildi

2000 jyldyń 11 qyrkúıeginde túsirilgen bul sýrettiń tarıhy tereńde jatyr. Ol jaıynda sál keıinirek. Sýrettegi – AQSh-tyń ardager sportshysy Heıg Prıst. Ol 1920 jyly Antverpende ótken Olımpııa oıyndary kezinde qoldy bolyp, iz-túzsiz joǵalyp ketken týdy Halyqaralyq Olımpıada komıtetiniń (HOK) prezıdenti Hýan Antonıo Samaranchqa qaıtarǵaly tur.

1920 jylǵy VII jazǵy Olım­pııa oıyndaryn Belgııanyń Antverpen qalasy qabyldaǵany belgili. 14 tamyzda dúbirli doda­nyń ashylýy saltanaty ótip, baq synaýǵa kelgen 29 memlekettiń óren­deri sap túzedi. Osy jarys­ta tuńǵysh ret bes saqınaly olım­pııalyq tý kókte jelbirep, bar­lyq sportshylar qaýymy atynan jergilikti vaterpolshy ári sem­ser­lesýshi Vıktor Boen ant berdi. Osylaısha 24 sport túri boıyn­sha 154 júlde jıyntyǵy sarapqa sa­lynǵan baıraqty báseke bastaldy.

Arada eki táýlik ótkende olımpııalyq tý belgisiz jaǵdaıda joǵalyp ketedi. Halyqaralyq uıym basshylary dabyl qaǵyp, Belgııanyń bılik basyndaǵy azamattaryna shaǵymdandy. О́z kezeginde olar uıymdastyrýshylar men tártip saqshylaryna baıraqty dereý taýyp, qaıta ornyna qoıýdy tapsyrady. Sáıkesinshe urylar jazalanýy tıis. Biraq jedel izdestirý is-sharalary esh nátıje bermedi. Týdyń qaıda joǵalǵany jáne kimniń qoldy qylǵany belgisiz. Kórgen-bilgen eshkim joq. Aqyry tabylmaǵannan keıin ol baıraqty basqasymen almastyrýǵa týra keldi.

1997 jyly AQSh-tyń Olım­pıa­da komıteti úlken shara uıym­dastyryp, sol jıynǵa jasy 100-den asqan ardager sportshy Heıg Prıst myrza qurmetti qonaq retin­de shaqyryldy. Dál osy aqsa­qal 1920 jylǵy Olımpııa oıyndary baǵdarlamasyndaǵy sýǵa sekirý saıysynda qola medaldy ıelengen bolatyn. Keshkilik bankette bir ǵasyr jasaǵan qarııany BAQ ókilderi qaýmalap, túrli saýaldar qoıa bastaıdy. Sonyń biri joǵaryda baıandalǵan oqı­ǵaǵa baılanysty boldy. Son­da esh shimirikpegen Prıst: «Antver­pendegi týdyń qaıda ekenin men jaqsy bilemin. Ony kezinde komanda­lyq áriptesim ári ózimniń jaqyn dosym Dıýk Kehenemoký ekeýmiz alǵanbyz. Qazir sol baıraq meniń chemodanymnyń túbinde jatyr», dep málimdedi.

Ǵasyrlar toǵysynda Sıdneı­de alaýy tutanǵan jazǵy Olım­pııa oıyndary qarsańynda Aýs­tralııaǵa arnaıy at basyn burǵan 103 jastaǵy Heıg Prıst «Endi osynyń maǵan qajeti joq-aý» dep baıraqty HOK prezıdenti Hýan Antonıo Samaranchqa qaıtaryp beredi. Osylaısha, arada 80 jyl ótkennen keıin Olımpııalyq tý óziniń zańdy ornyn tapty.

Bul kúnderi bes saqına beınelegen sol baıraq Lozannadaǵy Olımpııalyq murajaıda saqtaýly tur. Al Heıg Prıst bolsa, 2001 jyldyń 19 sáýirinde 105 jasqa qaraǵan shaǵynda dúnıeden ótti.

Ǵalym SÚLEIMEN,

«Egemen Qazaqstan»

Sońǵy jańalyqtar

Zań kimniń jaǵynda?

Búgin, 02:00

Almaty jasyl qalaǵa aınalady

Ekologııa • Keshe

Bulandydaǵy berekeli is

Aımaqtar • Keshe

Mal baqqanǵa bitedi...

Aımaqtar • Keshe

Tekeli – eńbekshiler mekeni

Aımaqtar • Keshe

Jer ıesin tapsa ıgi

Aımaqtar • Keshe

Ǵasyrlarǵa ulasar uly tuǵyr

Rýhanııat • Keshe

«Ádilet, shapqat kimde bar...»

Rýhanııat • Keshe

Bárimizdiń Abaıymyz

Rýhanııat • Keshe

Investısııalar ıgiligi

Ekonomıka • Keshe

Maqtaaralda dıqanshylyq bastaldy

Aımaqtar • 16 Qańtar, 2020

Uqsas jańalyqtar