Aıta keteıik, «Orbıta» saıajaı qaýymdastyǵy – talaı adam turaqty qonys etken, sońǵy jyldary tabıǵı gaz qubyry tartylyp, shaǵyn eldi mekenge aınalǵan jer. Bir túnde paıda bolǵan taý-tóbe qoqys eń aldymen osy aýyl turǵyndarynyń narazylyǵyn týdyrdy. О́ıtkeni shirip búline bastaǵan teriden shyqqan jaǵymsyz ıis aınaladaǵy qańǵybas ıt pen mysyqty ózine shaqyryp, qoqys bazaryna aınala bastaǵan.
– Oqıǵa 13 qańtarǵa qaraǵan túni bolǵan eken. Oral qalalyq polısııa basqarmasynyń Abaı bólimine shaǵym telefon arqyly 17 qańtarda tústi. Árıne bizdiń qyzmetkerler oqıǵa ornyna baryp, mán-jaıdy zerttep, tergeý-tekserý sharalaryn júrgizdi. Sóıtip qaýipti qaldyqty tıisti orynǵa – qoqys polıgonyna aparmaı, toǵaı ishine tógip ketken kólik júrgizýshisin anyqtady. Buǵan beınebaqylaý kamerasyndaǵy jazba kómektesti, − deıdi oblystyq polısııa departamentiniń qyzmetkeri Álııa Naýryzǵalıeva.
Oqıǵaǵa kináli − «KamAZ-5511» avtokóliginiń júrgizýshisi, Oral qalasynyń 30 jasar turǵyny bolyp shyqty. Ol óz kinásin tolyǵymen moıyndady.
Kináli júrgizýshi ákimshilik jaýapkershilikke tartylǵanyn aıta keteıik.
Oblystyq polısııa departamenti baspasóz qyzmetiniń málimetinshe, 2018 jyly Ákimshilik quqyq buzýshylyq týraly kodeksiniń 505-baby (Qalalar men eldi mekenderdiń aýmaqtaryn abattandyrý qaǵıdalaryn buzý, sondaı-aq qalalar men eldi mekender ınfraqurylymy obektilerin buzý, jasyl ekpelerin joıý jáne búldirý) boıynsha Batys Qazaqstan oblysynda 3927 zań buzýshylyq tirkelgen.
Al beınekameralardyń kómegimen oblys aýmaǵynda barlyǵy 16104 zań buzýshylyq oqıǵasy áshkerelengen eken.
Qazbek QUTTYMURATULY,
«Egemen Qazaqstan»
Batys Qazaqstan oblysy
