Qazaqstan • 21 Qańtar, 2019

Qyrbaltabaı mektebindegi oqıǵa: Balalarǵa «Bıblııa» taratylǵany ras pa?

609 retkórsetildi

Almaty oblysynyń Eńbekshiqazaq aýdanyna qarasty Qyrbaltabaı aýylynda Y.Altynsarın atyndaǵy jalpy bilim beretin mektep bar. Sońǵy bir apta aralyǵynda osy mektepke qatysty oqıǵa áleýmettik jeli men baspasóz arqyly taralyp, qoǵamdyq pikirge arqaý bolýda.

Naqtyraq aıtqanda, mektep janyndaǵy ınternattyń oqýshylaryna «Qazaq-German-Amerıkalyq bıblııa mıssııasy» atty qoǵamdyq birlestik tarapynan jańajyldyq syılyq taratylyp, dinı ádebıetter berilgeni jaıly habar qazir tekserilip jatyr. Mektep-ınternatqa aýdan ákimdigi tarapynan arnaıy qurylǵan komıssııa baryp, tárbıeshilermen jáne  oqýshylarmen áńgimelesý ótkizilgen eken.

- Eńbekshiqazaq aýdanynyń ákiminiń orynbasary, aýdandyq Ishki saıasat bólimi, din ınspektorlary, bilim bólimi jáne atalǵan Y.Altynsarın atyndaǵy orta mektebi men janyndaǵy ınternattyń dırektorlarymen birlesken jumys toby qurylyp bul másele tolyǵymen qaraldy. 17 qańtar kúni jumys tobymen birge aýdandyq ákimdikte mektep-ınternatta jańajyldyq syılyqtar taratqan «Qazaq-German-Amerıkalyq Taýrat mıssııasy» qoǵamdyq birlestiginiń prezıdenti Alekseı Lýboshnıkovpen kezdesý uıymdastyryp, jańajyldyq syılyqtardyń ishinde dinı kitaptar nemese ýaǵyzdaýshy paraqshalar bolmaǵany jáne qaıyrymdylyq sharasyn uıymdastyrýshylar tarapynan din taqyrybynda áńgimeler qozǵalmaǵany anyqtaldy. Lýboshnıkov Alekseı Vıktorovıch jáne Y.Altynsarın orta mektebi men janyndaǵy ınternaty dırektorynyń tarapynan balalarǵa arnalǵan syılyqtardyń arasynda dinı kitaptar bolmaǵanyn rastap túsinikteme jazyp berdi. Osy oraıda, bul máseleni ary qaraı ýshyqtyrýdyń qajet emes ekendigin aıta otyryp, bul másele qazirgi tańda aýdan ákimdiginiń tarapynan qadaǵalaýda ekendigin jetkizemiz, - deıdi bizdiń suraýymyzǵa oraı Eńbekshiqazaq aýdany Ishki saıasat bóliminiń basshysy Momýnjan Akbarjanuly.

Biraq, Qyrbaltabaı aýylyndaǵy mekteptegi jaǵdaıdy qoǵam nazaryna jetkizgen ekolog, Almaty oblysy Kerbulaq aýdanynyń Qurmetti azamaty Gózel Quljabaeva aýdan ákimdigi bergen resmı jaýapty birjaqty dep otyr. Almaty qalasynda osy máselege oraı baspasóz máslıhatyn ótkizgen Gózel Quljabaeva ınternatta  «Qazaq-German-Amerıkalyq bıblııa mıssııasy» tarapynan dinı ádebıet, onyń ishinde 120 dana «Bıblııa» kitabynyń taratylǵany jaıly naqty dáleldiń bolǵandyǵyn aıtady. Ony rastaıtyn sýret keıinnen baspasózde jarııalanǵan eken.

- Jalpy men ınternattaǵy jaǵdaıdy Qyrbaltabaı aýylyna barǵanda kezdeısoq estidim. Ádette, ata-ana retinde kámelettik jasqa tolmaǵan balalarǵa qandaı da bir dinı ýaǵyz júrgizýge bolmaıty belgili. Bul jerde kitap syılaý sharasy ata-ananyń qatysýynsyz bolǵan. Jańajyldyq syılyq retinde, táttilermen birge berilgen bolýy kerek. Muny balalarmen sóıleskenimde, ózderi moıyndady. Olar kitaptan bólek qurastyrmaly oıynshyq japsyrmalardy da alǵanyn aıtty. Oıynshyq bólikterin tolyq tizip shyqqanda odan Isa Másihtiń sýreti men ýaǵyz sózder kórinetin bolǵan. Birden ashyp aıtaıyn, men bul jerde qandaı da bir dinı kózqaras úshin másele kóterip otyrǵan joqpyn. Másele, mektep jasyndaǵy balalardyń quqyn qorǵaý men memlekettik mekeme qabyrǵasynda tek tolyq súzgiden ótken kitaptardy ǵana oqýǵa ruqsat beriletindigi jaıynda. Men ózim tabıǵat qorǵaýshysy retinde jazǵan eńbekterimdi Bilim mınıstrliginiń ruqsatynan keıin ǵana mektepterge kómekshi qural retinde usyna alamyn. Sonda, «Bıblııany» balaǵa oqýǵa ruqsat berilgen be? - deıdi Gózel Quljabaeva hanym.

Onyń aıtýynsha, oqýshylarmen sóıleskende balalar syılyq alǵandaryn, «Bıblııa» kitabyn da kórgenderin jasyrmaǵan. Oqýshylar muny telefoyndaǵy daýys jazý qurylǵysyna aıtqan. Biraq, oqıǵa týraly sóz shyqqannan keıin mektep ákimshiligi ınternat oqýshylaryna eshqandaı syılyq, onyń ishinde dinı kitaptar almaǵandyǵy jaıly qolhat jazdyryp alǵan. «Bul da bala quqyǵyn buzý. Zań boıynsha mundaı qolhat ata-ana qatysýymen jazylady» deıdi ol.

Biz bul jaǵdaıǵa oraı Almaty oblystyq Bilim basqarmasynyń basshysy Dáýren Júnisovtiń pikir bilgenbiz:

- Y.Altynsarın atyndaǵy mektep-ınternatyna qatysty oqıǵadan habardarmyn. О́tken senbi kúni Eńbekshiqazaq aýdanyna baryp, jaǵdaıdy kózben kórip qaıttym. Aýdanda arnaıy komıssııa jumys istep jatyr. Aldyn ala belgili bolǵanyndaı, tárbıeshiler men oqýshylar ınternatta dinı ádebıetter taratylǵanyn rastamaǵan. Bul jerde dybystyq jáne beınejazba bolǵan eken. Onyń anyq-qanyǵyn komıssııa tekserip bolǵasyn, jaýabyn beremiz, - dedi oblystyń bas muǵalimi.

Al taqyryptyń túıini qalaı tarqatylyp, tekserý jumystarynyń nátıjesi neni kórsetetini «Egemen Qazaqstan» gazetiniń nazarynda bolady.

Qalmahanbet MUQAMETQALI,

«Egemen Qazaqstan»

Almaty oblysy

Sýret zanmedia.kz saıtynan alyndy

Sońǵy jańalyqtar

Alty kólik qar qursaýynan shyǵaryldy

Aımaqtar • 18 Qańtar, 2020

Áskerı jaýyngerlik daıarlyq kezeń bastaldy

Aımaqtar • 18 Qańtar, 2020

Elordanyń «Búkir kópiri» tekseriledi

Qoǵam • 18 Qańtar, 2020

Roman Sklıar Tılo Klınnermen kezdesti

Úkimet • 18 Qańtar, 2020

Shahrat Nuryshev Ýfýk Ekıdjıdi qabyldady

Úkimet • 18 Qańtar, 2020

Nur-Sultanda qar kúni atap ótiledi

Qoǵam • 18 Qańtar, 2020

Shymkentte aptanyń bir kúni poezııaǵa arnalady

Rýhanııat • 18 Qańtar, 2020

18 qańtarǵa arnalǵan aýa-raıy boljamy

Qazaqstan • 18 Qańtar, 2020

Almaty jasyl qalaǵa aınalady

Ekologııa • 17 Qańtar, 2020

Elimizde UFC TV telearnasy iske qosyldy

Sport • 17 Qańtar, 2020

Tátti ómirdi tárk etkender (vıdeo)

Vıdeo • 17 Qańtar, 2020

Kókshetaýda beti ashyq qudyq kóp

Aımaqtar • 17 Qańtar, 2020

Shymkentte Poezııa minberi ashyldy

Rýhanııat • 17 Qańtar, 2020

Bulandydaǵy berekeli is

Aımaqtar • 17 Qańtar, 2020

Mal baqqanǵa bitedi...

Aımaqtar • 17 Qańtar, 2020

Batys Qazaqstanda jańa jobalar maquldandy

Aımaqtar • 17 Qańtar, 2020

Kýveıt týrnırinde top jardy

Sport • 17 Qańtar, 2020

Gran-prı jarysyna qatysady

Sport • 17 Qańtar, 2020

Ekinshi qolany qorjynǵa saldy

Sport • 17 Qańtar, 2020

Atqa miný mádenıetin nasıhattady

Qoǵam • 17 Qańtar, 2020

Uqsas jańalyqtar