Sot júıesin jańǵyrtý maqsatynda qurylǵan front-ofıs úsh aýmaqtan turady. Aqparattandyrý ortalyǵynda turǵyndar keńes berýshi qyzmetkerlerdiń kómegine júgine alady. Sonymen qatar, bul jerde kelip túsetin keńse qujattar aýmaǵy men óz-ózine qyzmet kórsetý buryshy bar. Sotqa kelýshiler «Sot bólmesi» aqparattyq júıe qyzmetin, wi-fi jelisin jáne gadjetterge arnalǵan qýattandyrý quraldaryn qoldana alady. Sondaı-aq, medıatorlar men advokattar úshin arnaıy bólmeler de qarastyrylǵan.
– Buryn munda aıadaı kútý zaly men qujattar beretin eki tereze ǵana bolǵan. О́te yńǵaısyz edi. Endi bul jer keńeıtildi, keńesshiler bar, kelip túsetin jáne beriletin korrespondensııany qabyldap-berip turatyn qyzmetkerler qarastyrylǵan. Sonymen qatar, front-ofıste advokattar men medıatorlar qyzmet kórsetedi. Osynyń barlyǵy turǵyndarǵa yńǵaıly bolý úshin jasalǵan, – deıdi Oktıabr aýdanynyń №3 aýdandyq sotynyń tóraǵasy Erlan Shegenov.
Jyl sońyna deıin Qaraǵandy oblysynyń kópquramdyq sottarynda osy sekildi 7 front-ofıs ashý josparda bar. Bul týraly oblystyq sottyń tóraǵasy Nurserik Sháripov málimdedi.
Qaırat ÁBILDA,
«Egemen Qazaqstan»
Qaraǵandy
