Bul jóninde oblys ákimıatynyń apparat májilisinde oblys ákimi Arhımed Muhambetov aıtty. О́tken jyly oblys birinshi ret Reseı men О́zbekstanǵa 1700 tonna et artty. Bul - sońǵy jyldardaǵy eń úlken kórsetkish. Bıyl oblys eksportqa buǵan eki esege jýyq – 3000 tonna et shyǵarýdy kózdep otyr. Alaıda, ol ońaı jumys emes, oǵan óńirdegi mal sharýashylyǵynda keshendi túrde jumystar júrgizilýi kerek.
«Alaıda, syrtqa artqan ettiń kóp bóligi iri bordaqylaý alańy «Sever Agro N» jaýapkershiligi shekteýli seriktestigine tıesili. Osy jyldyń alǵashqy jartysynda bul sharýashylyqta ótkizetin mal bolmaıdy. Al bıylǵy jospar byltyrǵyǵa qaraǵanda eki esege jýyq kóp. Ne isteý kerek sonda? Bir sharýashylyqtyń ǵana betine qarap otyrýǵa bolmaıdy. Rezerv daıyndaý kerek. Mal bordaqylaý alańdaryn kóbeıtý kerek» dedi Arhımed Begejanuly.
Oblys ákiminiń orynbasary Erlan Spanov jalpy oblysta mal basynyń kóbeıgenin jáne soǵan oraı maldan alynatyn ónimniń 117,7 mlrd teńge bolǵanyn atap ótti. Et óndirý 5 prosentke ósken. Bul oraıda mal basynyń kóbeıýine «Sybaǵa» baǵdarlamasynyń úlesi bar. Oblys óńirinde osy baǵdarlama boıynsha shetten 2087 bas iri qara ákelinip, jospar 112,8 prosentke oryndalǵan. 4019 bas ýaq mal satyp alynǵan. Bul da jospardaǵyǵa qaraǵanda artyq.
Názıra JÁRIMBET,
«EGEMEN QAZAQSTAN»
Qostanaı
