Búkilálemdik kúres qaýymdastyǵy týrnırge qatysatyn sportshylar tizimin jarııalady. Olardyń arasynda eki qazaqstandyq balýan bar.
Iаrygın týrnırinde el namysyn 70 kelidegi Ashat Slıamhanov pen 76 kelide baq synaıtyn Elmıra Syzdyqova qorǵamaq.
«Ivan Iаrygın» týrnıri Gran-prı sanatyndaǵy reıtıngilik jarystar tizbegin bastaıdy. Týrnırdiń jeńimpazy 8 upaı enshilese, kúmis júldeger 6, qola júldeger 4, al besinshi oryn ıegeri 2 upaı ıelenedi.
Balýandardyń reıtıngilik týrnırlerde jıǵan upaıy bıyl Astanada ótetin lısenzııalyq álem chempıonaty qarsańynda mańyzdy bolmaq.
Erkin kúres pen áıelder kúresinde budan bólek taǵy úsh iri týrnır ótpek. Atap aıtar bolsaq, Den Kolov (28 aqpan), Sassarı (24 mamyr) jáne Iаsar Dogý (12 shilde).
