«2018 jyldyń naýryzynda Memleket basshysy birneshe áleýmettik bastama aıasynda «7-20-25» baǵdarlamasyn iske qosýdy tapsyrdy. Bul halyq úshin turǵyn úı jaǵdaıyn jaqsartýǵa arnalǵan. Ulttyq bank ótken jyldyń ortasynda baǵdarlama talaptaryn bekitti. Ipoteka naryǵyn jaqsartý úshin zańnamalyq ózgertýler engizildi. Operator bolyp «Baspana» uıymy quryldy» dedi Danııar Aqyshev.
Sondaı-aq ol «7-20-25» baǵdarlamasy boıynsha 8 bank jumys istep jatqanyn aıtty.
«17 qańtardaǵy jaǵdaı boıynsha 52 mlrd teńgege 4350 ótinim maquldandy. Osy ýaqytta 17 paıyz ótinish berýshige nemese 1237 ótinim boıynsha qaryz berýden bas tartyldy. Bas tartýǵa negizgi sebep - kredıttik tarıhynyń nasharlyǵy jáne jetkilikti kiristiń bolmaýy», - dedi ol.
Jıynda belgili bolǵandaı, baǵdarlamany halyqqa túsindirý jumysy júrgizilip, 6 mln-nan astam qazaqstandyq qajet aqparatpen qamtylǵan. Baǵdarlamany iske asyrý barysy BAQ-ta, áleýmettik jelilerde júıeli túrde jarııalanady. Táýlik boıy Call-ortalyq jumys isteıdi. Ulttyq banktiń aýmaqtyq fılıaldary men «Baspana» ıpotekalyq uıymy barlyq óńirdegi halyqpen jáne eńbek ujymdarymen kezdesý ótkizýde.
