Mektep jetispeýshiligi ásirese Almaty qalasy mańyndaǵy aýdandarda sezilip otyr. Mysalǵa, Qarasaı aýdanynda úsh aýysymda sabaq oqytatyn 11 mektep bar eken. Qazir aýdan aýmaǵynda bul máseleni sheshýdiń joly tabylǵan. Birneshe mektepke qosymsha qurylys salý qolǵa alynsa, jańadan 4 mektep salynýda.
- Úsh aýysymdy mektepterdi joıý Elbasy Joldaýynda aıtylyp, oblys ákimi tarapynan naqty tapsyrma retinde berildi. Búginde bizdiń aýdanda bul is qolǵa alyndy. 4 mekteptiń qurylysy aıaqtalýǵa jaqyn. Sonyń biri Áıteı aýylyndaǵy 1200 oqýshyǵa arnalǵan úlken mektep. Nysan jańa oqý jylynda paıdalanýǵa berilmekshi. Al Qaskeleń qalasyndaǵy, Abaı, Kóksaı, Shamalǵan aýyldaryndaǵy orta mektepterdiń ǵımaraty keńeıtilip, qosymsha qurylys salynýda. Maqsatymyz, aýdan boıynsha úsh aýysymdy mektepterdiń bolmaýyna jaǵdaı jasaý, - deıdi Qarasaı aýdanynyń ákimi Jandarbek Dalabaev.
Qalmahanbet MUQAMETQALI,
«Egemen Qazaqstan»
Almaty oblysy
