Stansııa bul oraıda jobalyq jıyntyq qýaty 3000 mVt quraıtyn alty energııa blogynyń bári jumys istep turyp, 2018 jylǵy 20 jeltoqsanda qol jetkizgen 3031 MVt rekordtyq júktememen kúzgi-qysqy kezeńge tolyq daıyndyǵyn kórsetti. Tutas alǵanda, segiz energııa blogynyń bári jumys istegen kezde, elektr stansııasynyń belgilengen qýaty 4000 MVt-ty quraıdy.
Jyl boıy Ekibastuz GRES-1 óz tutynýshylaryn elektrmen úzdiksiz qamtamasyz etý úshin tutas is-sharalar keshenin oryndady. Atap aıtqanda, jyl basynan beri stansııada № 4 energııa blogynda keńeıtilgen jóndeý, № 3, 5, 7, 8 energııa bloktarynda aǵymdaǵy jóndeý, № 2 jáne № 6 energııa bloktarynda kúrdeli jóndeý júrgizildi.
Budan tys, qazir sońǵy, esep boıynsha segizinshi, №1 energııa blogynda qalpyna keltirý jumystary júrgizilýde. Stansııanyń budan basqa energııa bloktary sekildi, atalǵan energııa blogy kúl tutý dárejesi 99,6 % bolatyn jańa býyndaǵy tıimdiligi joǵary elektr súzgisimen jabdyqtalady.
2021 jylǵa qaraı otyn-kólik sehynyń óndiristik keshenin qaıta qurý jáne qaıta jańǵyrtý jobasyn aıaqtaý josparlanǵan. Joba sehtar jabdyǵynyń ónimdiligin, sondaı-aq onyń sapasy men senimdiligin arttyrýǵa baǵyttalǵan. Atalǵan jabdyq qazandyq agregattary úshin qajetti otyndy daıyndaý, tasymaldaý jáne bólý boıynsha úlken jumys atqarady. Máselen, 2018 jyly stansııanyń «Bogatyr Kómir» JShS-nen jetkiziletin kómirdi tutyný kólemi 11,636 mln. tonnany qurady.
«Bolat Nurjanov atyndaǵy Ekibastuz GRES-1» JShS – belgilengen qýattylyǵy 4000 MVt jáne qoldaǵy bar qýattylyǵy 3500 Mvt bolatyn, elektr energııasyn óndirýmen jáne taratýmen aınalysatyn, kondensasııalyq tıptegi jylý elektr stansııasy. EGRES-1 stansııasynyń jalǵz aksıoneri – «Samuryq-Energo» AQ. Stansııada óndirilgen elektr energııasynyń basym bóligi Qazaqstannyń energetıka naryǵynda taratylady.
«Samuryq-Energo» AQ – Qazaqstandaǵy asa iri elektr energetıkalyq holdıng, aksııalarynyń 100%-y «Samuryq-Qazyna» UÁQ» AQ-ǵa tıesili. 2007 jyly qurylǵan. Jumysynyń negizgi baǵyttary: elektr jáne jylý energııasyn óndirý; elektr energııasyn jetkizý, bólip-taratý jáne satý; energetıkalyq kómir óndirý. Holdıngtiń quramyna energııa jáne kómir óndirý kásiporyndary, sonyń ishinde: «Ekibastuz GRES-1» JShS, «Ekibastuz GRES-2 stansııasy» AQ, «Bogatyr Kómir» JShS, «Almaty elektr stansııalary» AQ, «O.D. Qantaev atyndaǵy Moınaq sý elektrstansııasy» AQ, «Shardara SES» AQ jáne t.b. kiredi.
