Árıne, oǵan tańdanýǵa bolmas. Sebebi, otandastarymyzdyń arasynan eń tájirıbelisi de, eń ataqtysy da dál osy GGG ekeni esh kúmán týǵyzbaýǵa tıis. Osy kúnge deıin ol 40 kezdesý ótkizip, 38 ret jeńiske jetti. 34 básekeni merziminen buryn aıaqtady. Bir ret utylyp, bir márte teń tústi. BoxRec reıtınginde Gennadıı Golovkın 263 upaı jıyp otyr.
Ekinshi jáne úshinshi oryndarǵa Batyr Júkembaev pen Meıirim Nursultanov jaıǵasty. 14 jekpe-jektiń 12-sin nokaýtpen aıaqtaǵan Batyr 50 upaı jısa, 10 kezdesýdiń 8-inde aıqyn jeńiske qol jetkizgen Meıirim 32 upaıdy ıelenýde. Tórtinshi orynda – Aıdos Erbosynuly. Onyń da kórsetkishi dál Meıirim Nursultanovtiki sekildi. Aıdostyń enshisinde 26 upaı bar. Bir qýantarlyǵy, bul jigitterdiń úsheýi de kúni búginge deıin jeńilistiń kermek dámin tatqan emes.
Sondaı-aq, «TOP-10» boksshynyń qatarynda Beıbit Shúmenov (18-2, 12 KO), Álı Ahmedov (13-0, 10 KO), Abylaıhan Qusaınov (9-0, 6 KO), Bobyrjan Momynov (9-0, 8 KO), Nursultan Janabaev (6-0, 4 KO) jáne Rýslan Mádıev (12-1, 5 KO) syndy sańlaqtar bar.
Ǵalym SÚLEIMEN,
«Egemen Qazaqstan»
