Bıýronyń málimetine súıensek, 2017 jylmen salystyrǵanda (17,23 mıllıon) ótken jyly 15,23 mıllıon bala dúnıege kelgen. О́tken jyly Qytaı halqynyń sany 5,3 mıllıonǵa artyp, 1,395 mıllıardqa jetti.
Sarapshylardyń boljaýynsha, qytaılyq otbasylardyń eki balaly bolý múmkindigine qaramastan bolashaqta halyq sanynyń ósýi baıaýlaıdy.
Qytaı Halyq jáne Densaýlyq saqtaý ulttyq komıssııasy damý ǵylymı-zertteý ortalyǵynyń zertteýshisi Hýan Kýanshı ótken jylǵy týý kórsetkishin 15 mıllıonnan 16 mıllıonǵa óskenin aıtty.
Qytaı bıligi 2016 jyldyń basynda eldegi demografııalyq ahýaldy retteý jáne halyqtyń qartaıý máselesin sheshý úshin eki bala súıýge ruqsat etken edi. Bul jyly týý kórsetkishi (2000 jyldan bergi eń úlken kórsetkish) 1,3 mıllıonǵa kóbeıgen. Biraq 2017 jyly bul statıstıka jarty mıllıonǵa qysqarǵan.
Nankaı ýnıversıteti demografııalyq zertteý ınstıtýtynyń professory Iýan Sınniń jazýynsha, kórsetkishtiń 2 mıllıonǵa tómendegenine tańdanyp, halyqtyń demografııalyq ahýalyn zertteýshi ǵalymdardyń ótken jylǵy týý kórsetkishtiń tómendeýi áli de jalǵasatynyn bir aýyzdan kelisken.
«Jyldyq eseptegi týý kórsetkishiniń 12%-ǵa azaıýy halyq ósiminiń kúrt tómendeýi ispettes. О́tken jylǵy týý kórsetkishi sońǵy 70 jyl ishindegi úshinshi orynǵa turaqtaǵan», dedi Iýan Sın.
«О́tken jyly týý kórsetkishiniń tómendeýine kóptegen faktorlar áser etken. Áıelderdiń bala týý jasynyń ulǵaıýynan bastap, balalardy oqytýǵa jáne tárbıeleýge ketetin shyǵyn mólsheri jáne bedeýlik máselesi men jalǵyz ómir súrýdi jón kóretinderdiń kóbeıýi sebep», deıdi Iýan Sın.
Onyń aıtýynsha, Qytaıda áıelderdiń bala bosanýynyń jasy – 20 men 34 jas aralyqta. Sońǵy birneshe jyl kóleminde shamamen 2,8 mıllıonǵa qysqarǵan.
Statıstıka bıýrosynyń dúısenbide jarııalanǵan derekterinshe, eldegi negizgi jumys kúshin (16 jastan 59 jasqa deıingi) 897 mıllıon adam quraıdy. Bul jalpy halyqtyń 64,3%-y.
Bıýro jetekshisi Nıng Szıshe týý kórsetkishiniń tómendeýine qaramastan Qytaıdyń burynǵydaı kúsh-qýatqa ıe ekenin jáne jumys kúshiniń sapasy joǵarylap, ekonomıkanyń ósetinin aıtty.
Aqmaral AǴZAMQYZY,
«Egemen Qazaqstan»
