Qazaqstan • 22 Qańtar, 2019

Q. Bozymbaev «Saryarqa» magıstraldi gaz qubyryn salý jobasyn iske asyrý barysy týraly baıandady

322 retkórsetildi

Búgin QR Premer-Mınıstri Baqytjan Saǵyntaevtyń tóraǵalyǵymen ótken Úkimet otyrysynda Prezıdenttiń Bes áleýmettik bastamasyn iske asyrý aıasynda «Saryarqa» magıstraldi gaz qubyryn salý jobasynyń aǵymdaǵy jaǵdaıy týraly energetıka mınıstri Q. Bozymbaev baıandady.

Eske sala keteıik, «Saryarqa» magıstraldi gaz qubyryn salý jobasy elimizdiń energetıkalyq qaýipsizdigin qamtamasyz etýge, ortalyq jáne soltústik óńirlerdi senimdi jáne úzdiksiz gazben jabdyqtaýǵa, sondaı-aq, jalpy ekologııalyq jaǵdaıdy jaqsartýǵa baǵyttalǵan.

Áleýmettik-ekonomıkalyq áseri:

• magıstraldi gaz qubyrynyń birinshi kezeginiń boıyndaǵy 171 eldi mekendi kezeń-kezeńimen qamtamasyz etý;

• magıstraldi gaz qubyry trassasynyń boıyndaǵy ınfraqurylymdy damytý;

• qurylys kezeńinde 1690-nan astam jumys ornyn jáne paıdalaný kezeńinde shamamen 200 jumys ornyn qurý;

• Astana qalasynyń jáne magıstraldi gaz qubyrynyń boıyndaǵy basqa da eldi mekenderdiń ekologııalyq jaǵdaıyn jaqsartý.

QR Energetıka mınıstrliginiń derekterine sáıkes, 2018 jylǵy 19 qarashada «AstanaGaz QMG» AQ men «QazQurylysServıs» MGQK» AQ arasynda «Saryarqa» magıstraldi gaz qubyryn salý týraly kelisimshartqa qol qoıyldy. Jumystar kestesine sáıkes bir mezgilde bes jelilik aǵyndy júzege asyrý arqyly magıstraldi gaz qubyryn salý josparlanyp otyr. Montajdaý jáne qubyrǵa gıdrosynaýdy júrgizý arqyly magıstraldi gaz qubyrynyń jelilik bólikterin salýdy aıaqtaý 2019 jyldyń sońyna qaraı belgilendi.

Merdigerdiń tehnıkasyn, jabdyqtary men jumysshylaryn jumyldyrý bıylǵy qańtardyń sońynda bastalady. Trassany daıyndaý 27 aqpanda bastalmaq. Bul rette, jelilik qubyrdyń birinshi partııasyn jetkizýdi osy jylǵy naýryzda bastap, tamyzda aıaqtaý josparlanyp otyr. Jelilik qubyrlardyń dánekerleý jumystary bıyl 21 naýryzda bastalady.

Q. Bozymbaevtyń aıtýynsha, gaz taratý jelileri boıynsha qazirgi tańda Astana q,. Aqmola jáne Qaraǵandy oblystarynyń ákimdikteri gaz taratý jelileriniń birinshi kezegin salýdyń jobalyq-smetalyq qujattamasyn (JSQ) aıaqtaýda.

Ákimdikterdiń aqparatyna sáıkes, 2019 jyldyń I toqsanynda JSQ boıynsha memlekettik saraptama qorytyndysyn alý kútilýde.

Joǵaryda kórsetilgen jobalar boıynsha JSQ-ǵa «Memsaraptama» RMK-niń keshendi vedomstvodan tys saraptamasynyń oń qorytyndysy alynǵannan keıin Energetıka, Qarjy mınıstrlikteri múddeli memlekettik organdarmen jáne uıymdarmen birlesip, zańnamada belgilengen tártipte «Saryarqa» magıstraldi gaz qubyry trassasynyń boıyndaǵy eldi mekenderge gaz taratý jelilerin salýdy qarjylandyrý máselesin pysyqtaıtyn bolady.

Q. Bozymbaevtyń aıtýynsha, atalǵan tapsyrma turaqty baqylaýǵa alynǵan.

Sońǵy jańalyqtar

Dzıýdo: Búgin júlde buıyrmady

Kúres • Búgin, 18:33

Elordada «Abaı álemi» ortalyǵy salynady

Rýhanııat • Búgin, 18:06

Prezıdent ákimdermen keńes ótkizdi

Prezıdent • Búgin, 17:55

Prezıdent qar tazalaý chellendjin qoldady

Prezıdent • Búgin, 09:19

Azyq-túlik baǵasy alańdatady

Parlament • Búgin, 08:12

Uqsas jańalyqtar