Kóp dene jaraqatyn alǵan otaǵasy qalalyq aýrýhanaǵa jatqyzylǵan. Onyń áıelin de birneshe jerden qaýyp alǵan.
Jaıshylyqta aıtqanǵa kónetin jup-jýas ıtti ne túlen túrtkenin eshkim bilmeıdi. Kórshileriniń aıtýynsha, túni boıy aýlada seıildegen jeti qazynanyń biri arnaıy orynǵa kirýden bas tartqan kórinedi. Qojaıyndarynyń buıryǵyna baǵynbaı qarsy shapqan. Mundaı áreketti kútpegen erli-zaıyptylar daǵdaryp qalǵan. Osy mezette aqsıǵan zaý tisterimen birneshe jerden tistep, jaraqat salyp úlgirgen.
Tártip saqshylarynyń paıymdaýynsha túnde ıeleri ony aýlaǵa bosatyp jiberedi eken. Oqıǵa bolǵan kúni tańerteń áıel ıtti arnaıy oryn-volerge kirgize almaı qoıǵan. Aqyrynda onyń ózine de, kómekke kelgen kúıeýine de qarsy shabýyldap, talap tastaǵan. Amalsyz polısııa shaqyrtýǵa májbúr bolǵan.
Oqıǵa ornyna shuǵyl jetken Petropavl patrýltdik polısııa batalonynyń qyzmetkerleri tabeldik qarý qoldanyp, ıtti atýlaryna týra kelgen.
О́mir ESQALI,
«Egemen Qazaqstan»
Soltústik Qazaqstan oblysy
