Bul jobaǵa Memleket basshysynyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» Joldaýy negiz boldy. Jobalyq keńse qyzmetiniń baǵyty sybaılas jemqorlyq kóptep kezdesetin jáne áleýmettik mańyzy bar salalarda keshendi taldaý negizinde jemqorlyqqa qarsy is-qımyldyń qabyldanýyna baılanysty bolady.
Jańa jobanyń kýratory Danat Jýmın jobalyq keńse qala ákimdigimen, ÁKK jáne Agenttiktiń aýmaqtyq departamentimen birlesip, sáýlet salasynda 12 qyzmetti sıfrlandyrǵan jobany iske qosty deıdi.
«Bilim berý» baǵyty boıynsha jobalyq keńse mektepterde aqsha jınaýdy boldyrmaýǵa kúsh jumsasa, «Densaýlyq saqtaý» baǵyty boıynsha tegin medısınalyq qyzmetterdiń ashyqtyǵyn qamtamasyz etýge, turǵyn-úı kommýnaldyq sharýashylyǵy salasynda qala halqy úshin qolaıly jaǵdaı jasaýǵa múmkindik beretin bolady. «Sonymen qatar, «secret shopper» (Qupııa satyp alýshy) ádisimen zertteý jobasy iske qosylyp, ol barlyq áleýmettik mańyzdy salalardy qamtıdy, bul óz kezeginde turmystyq sybaılas jemqorlyqqa qarsy kúrestiń tıimdi quraly bolady», - deıdi «Shymkent – adaldyq alańy» jobalyq keńsesiniń basshysy Erasyl Tólebaev.
Túrli qoǵamdyq monıtorıng zertteý nátıjeleri qoǵam men birqatar memlekettik qurylymnyń múddeleri arasynda teńgerimsizdik bar ekenin kórsetti. Ol ashyq derekkózderde memlekettik organnyń jumysyn jurtshylyqtyń baǵalaýy boıynsha aqparattyń jabyqtyǵynan kórinedi. Aqparattyq ashyqtyq pen aıqyndylyq quraldarynyń biri «Qoǵamdyq baqylaýdyń ınteraktıvti kartasy» bolyp tabylady, ol memlekettik bıýdjetten mektepterdi, aýrýhanalardy jáne basqa da qarjylandyrý obektilerin qamtamasyz etýge arnalǵan bıýdjettiń transporenttiligine erekshe nazar aýdarýǵa múmkindik beredi.
Nurshat TО́KEN,
«Egemen Qazaqstan»
