Isker áıelder qaýymdastyǵyndaǵy arnaly jumystyń biri qaıyrymdylyq der edik. Uıym áleýmettik jobalarǵa belsene qatysady. Uıym músheleri oblys óńirinde kóptegen qaıyrymdylyq sharacyn ótkizedi. Mysaly, uıym 2016 jyly aýrý balanyń emdelýi úshin 850 myń teńge berdi. 2017-2018 jyldary «Januıa» oblystyq balalar úıine kómektesti. Isker áıelder qaýymdastyǵy ata-ana qaraýynsyz qalǵan jáne áleýmettik az qorǵalǵan otbasylar balalaryna kómek aksııalaryn jıi uıymdastyrady.
Respýblıkalyq Isker áıelder qaýymdastyǵy bıyl elimizde birinshi ret ótip otyrǵan «Qaıyrymdylyq kerýeni» baıqaý-aksııasy quryltaıshylarynyń biri retinde belsendi uıymdastyrýshy-júrgizýshi bolyp otyr. Oblystyq qaýymdastyq músheleri oblystaǵy buqaralyq aqparat quraldary ókilderine baıqaý aksııanyń maqsaty men mazmuny týraly aıtyp berdi.
«Qaıyrymdylyq – adamdardy yntymaqqa, meıirimdilikke tárbıeleıtin tamasha qasıet, tamasha qural. Munan áıelder qaýymdastyǵy qalaı syrt qalýy tıis? Baıqaýǵa bergen materıaldardy «Asar», «Týǵan jer», «Batyl júrek», «Meıirim jolynda», «Qaıyrymdylyq tarıhy» atty bes atalym boıynsha baǵalaıdy. Onda eń bastysy, bizdiń elimizdegi adamdar qolymen, júregimen jasalatyn tamasha ister kórinis tabady» deıdi Qostanaı oblystyq Isker áıelder qaýymdastyǵynyń atqarýshy dırektory Balbópe Ertaeva.
Jýrnalıster úshin ótkizgen brıfıngte Isker áıelder qaýymdastyǵynyń músheleri baıqaý-aksııanyń sharttary men ýaqyty týraly aıtyp, suraqtarǵa jaýap berdi.
Názıra JÁRIMBET,
Egemen Qazaqstan
Qostanaı
