О́tken jyldyń jeltoqsan aıynda aımaq basshysynyń qabyldaýyna jazylǵan bir top kóp balaly ana Taldyqorǵan qalasyndaǵy turǵyn úı kezegine qatysty másele kótergen bolatyn. Ákim «Altyn alqa», «Kúmis alqa» ıegerlerine úı kezegine qatysty týyndaǵan problemany óz baqylaýyna alyp, ońtaıly sheshýge ýáde bergen edi. Bul jolǵy qabyldaýda áleýmettik salaǵa jaýapty mamandar men turǵyn úı qurylysy salasyndaǵy basshylardy da shaqyryp, atqarylǵan is jaıynda esepterin tyńdady.
Oblys ákiminiń orynbasary Aqan Ábdýálıev analarǵa aýdan, qala ákimderine toqsan saıyn kezektiń jyljý reti, berilgen úıler týraly esep berip otyrý tapsyrylǵanyn aıtty. Al qala ákimi D. Shaltabaev kóp balaly otbasylarǵa beriletin kópqabatty úıdiń orny taıaý arada oblys ákimimen kelisiletinin jetkizdi.
О́z kezeginde kóp balaly analardyń ýájin jáne ákimdik ókilderiniń baıandaýyn tyńdaǵan oblys ákimi A. Batalov aldyńǵy berilgen tapsyrmalardyń, sonyń ishinde kezek reti týraly aqparat berý isiniń áli de rettelmegenin, kóp balaly otbasylaryna arnap úı salý máselesinde de naqty usynys joqtyǵyn synǵa aldy.
Qalmahanbet MUQAMETQALI,
«Egemen Qazaqstan»
Almaty oblysy
