Aısholpan arman-usynystaryn bildirip, salt-dástúrimizdi dáripteýge shaqyrdy.
«Astanada jáne basqa qalalarda qazaqtyń salt-dástúrin oqyp-úıretetin ortalyqtar, sonyń ishinde búrkitshiler mektebi ashylsa degen armanym bar» dedi ol.
Sóz sońynda boıyndaǵy qazaqqa tán qonaqjaılyǵyn tanytyp, Nursultan Nazarbaevty dám tatýǵa shaqyrdy.
«Men Mońǵolııada týyp-óssem de, Atamekenim – Qazaqstandy eshqashan umytpadym. Sol Altaıdaǵy az qazaqtyń amanaty bar edi. Sizdi Baıólkege qonaq bolýǵa shaqyramyz, aq dastarqannan dám tatyp ketseńiz - alystaǵy aǵaıynnyń rýhy bir jasap qalar edi» dedi Aısholpan.
Aıta keteıik, búrkitshi qyzdyń erekshe qyzyǵýshylyǵyn amerıkalyq rejısser derekti fılmge arqaý etse, avstrııalyq ánshi Sia beınebaıannyń negizgi jelisine aınaldyrǵan bolatyn.
