«Men 26 jastamyn. Mamandyǵym - metallýrg. 20 jasymnan bastap Aqsý ferroqorytpa zaýytynda jumys istep kelemin. Qazirgi ýaqytta jumysta master laýazymynda eńbek etemin. О́z jumysymnyń mindettemelerinen bólek, men zaýyttyń qoǵamdyq ómirine belsene aralasyp júrmin. Jastar keńesiniń ǵylymı jumys boıynsha belsendisimin. Ártúrli ǵylymı-tehnıkalyq konferensııalardan qalmaýǵa tyrysamyn. Sonymen birge, Pavlodar oblysynyń jastar kásipodaǵynyń múshesimin», - dedi Aleksandr Shýtov.
Jas metallýrgtiń aıtýynsha, zaýyttaǵy metallýrgterdiń kópshiligi - kreatıvti jastar. Olardyń bári de zamanǵa saı ıdeıalardyń bastamashysy bolyp otyr.
«Bul ıdeıalar óndiristi arttyryp qana qoımaı, áleýmettik salada da mańyzyn kórsetip keledi. Jastar turmystyq qaldyqtardy óńdeý, aýlalardy jaqsartý, balalarǵa arnalǵan alańdardyń irgesin qalaý sekildi mańyzdy jobalardy júzege asyrýda. Peshte jumys isteý eńbekke degen súıispenshiligimdi týǵyzdy. Kásiporynda jumys istegen ýaqytta memlekettik deńgeıdegi ózgeristerge kýá bolǵanymdy aıta ketkim keledi», - deıdi Aleksandr Shýtov.
Sóz sońynda metallýrg barsha jastyń atynan Elbasyǵa alǵysyn jetkizdi.
«Sóz sońynda mamandyq tańdaý aldynda turǵan jastarǵa úndeý tastaǵym keledi. О́ndiris - óz áleýetińdi tanytýdyń keremet múmkindigi. Eńbek jolyn óndiriste bastaı otyryp, kóp maqsatqa jetýge bolady. Prezıdent Nursultan Ábishuly osy rette bizge jarqyn úlgi bolyp tabylady» dep túıdi sózin Aleksandr Shýtov.
