Saltanatty jıynda Elbasy jastarǵa qatysty tórt máseleni qozǵady. Solardyń alǵashqysy – turǵyn úı máselesi.
«Bıylǵy jyldy Jastar jyly dep bekitýimizdiń sebebi kóp. Jastardy qoldaýdyń qarapaıym joldaryn tabýymyz kerek. Jastardyń qajettilikteri esepke alynyp, olardyń ósýine jaǵdaı jasaýymyz kerek. Búgingi tańda jastarǵa sapaly bilim, jumys, baspana men otbasy qurýǵa múmkindikter kerek. Ǵalymdar keleshekte álemniń IJО́-niń 60%-y 600 úlken qaladan shyǵatynyn aıtady. Sol sebepti úlken qalalarǵa kóńil bólýimiz kerek. Elimizdegi úsh úlken qalada kezekte turǵan jastardyń turǵyn úı máselesi nazarǵa alynýy kerek» dedi Elbasy.
Nursultan Nazarbaev Astana, Almaty, Shymkent sııaqty úlken qalalarda jumysshy jastarǵa arnap jylyna kemi 1000 turǵyn úı salýdy qolǵa alýdy Úkimetke, Prezıdent apparatyna tapsyrdy. Elbasy turǵyn úıler jaldamaly baspana negizinde jáne «7-20-25» memlekettik baǵdarlamasy sheńberinde beriletinin aıtty.
«Osyndaı baspanaǵa jumys isteıtinder úmit arta alady. Jumys - ol ál-aýqattyń negizgi kózi. Biz Qazaqstanda paternalızmdi damytqymyz kelmeıdi, ıaǵnı barlyǵyn memleketke júktep qoıǵan durys emes. О́zderińizdiń isterińizben memleketke qoldaý jasaýlaryńyz kerek. Sondyqtan jas qyzmetkerler úshin baspana jaǵdaıyn jasaýǵa barlyq menshik túrindegi kásipkerlerler belsendi túrde qatysýy qajet. Bul turǵyda bizdiń barsha iri kompanııalarǵa úndeý jasar otyrmyn», dedi Prezıdent.
