«Damyǵan elderde jastarǵa kómek kómektesetin qorlar bar. Olar ortalyq jáne jergilikti organdar - ýnıversıtet, jeke qurylymdar tarapynan qurylady. Sondyqtan biz de Úkimetpen birlesip, osyndaı qordy qurýymyz kerek. Bizdegi úlken kompanııalarmen, olıgarhtarmen, ulttyq kompanııalarmen birlese otyryp, jastardyń startaptaryn qoldaýǵa arnalǵan arnaıy qor qurýdy Úkimetke tapsyramyn» dedi Elbasy.
Elbasy elimizde de ýrbanızasııa prosesiniń qarqyndylyǵyna qaramastan elimizde aýyl jastarynyń úlesi áli de joǵary ekenine toqtaldy.
«Elimizdegi aýyl jastarynyń úlesi 43 paıyzdy quraıdy. Olar jóninde de jeke jumys isteýimiz qajet. 2018 jyldyń 11 aıy ishinde aýyldan qalaǵa kóshken jastar sany 222 230 adamǵa jetti. Sondyqtan Úkimet pen ákimdikter olardyń bilim alýy, jumysqa ornalasýy, demalys jáne basqa da máselelerin júıeli júzege asyrýǵa kómektesýi qajet» dedi Memleket basshysy Nursultan Nazarbaev.
Sondaı-aq Elbasy «Aýyl - el besigi» jobasy aıasynda ınfraqurylymdy damytyp, jergilikti jerlerdiń kadrlyq áleýetin kúsheıtý kerektigine toqtalyp ótti.
«Osyǵan oraı «Dıplommen aýylǵa» degen baǵdarlama bar. Osynyń tizimin keńeıtýdi usynamyn. Aýylǵa kóship barǵany úshin jastardyń járdemaqysy buryn 70 aılyq eseptik kórsetkish bolsa, sony 100 aılyq eseptik kórsetkishke deıin kóterý kerek» dedi óz sózinde Elbasy.
