«Jattyǵý kezinde Abzal abaısyzda tobyǵyn aýyrtyp aldy. Tolyq qalpyna kelip úlgermeıtin bolǵasyn, aqpan aıynda Germanııada ótetin álem kýbogi kezeńinen syrt qalýǵa májbúr. Ony dereý Reseıdegi travmatologııa ınstıtýtyna kórsettik. Bilikti dárigerler aıtarlyqtaı qaýip kórip turǵan joq. Biraq tórt apta boıy baldaqpen júredi. 26 qańtar kúni Abzaldy Astanaǵa qaıtaramyz. Al qalǵan komanda músheleri Drezdendegi álem kýbogi kezeńine attanbaqpyz», - deıdi bas bapker.
Short-trekten Qazaqstan ulttyq quramasy bul kúnderi Reseıde birlesken oqý-jattyǵý jıyndaryn júrgizýde. Sportshylardyń aldyndaǵy iri jarys – 1-3 aqpan kúnderi Germanııanyń Drezden qalasynda ótetin álem kýboginiń tórtinshi kezeńi.
«Drezdende el namysyn qorǵaıtyn sportshylar tizimi anyqtaldy. Erler arasynda Nurbergen Jumaǵazıev, Denıs Nıkısha, Ádil Ǵalıahmetov, Mersaıd Jaqsybaev, Nurtilek Qajyǵalı, Evgenıı Rebık synǵa túsedi. Qyzdar arasynda Anastasııa Krestova, Álııa Kım, Olga Tıhonova jáne Ásel Taıshymanovǵa senim artamyz», - dedi Qarsybekov.
Eske sala keteıik, álem kýbogi kezeńi osyǵan deıin Kalgarı, Solt-leık-Sıtı jáne Almatyda ótti. Sheshýshi sońǵy kezeń Italııanyń Týrın qalasynda 8-10 aqpan kúnderi uıymdastyrylady.
