Ǵ.Esenov – «Almaty marafonynyń» negizin qalaýshy, kóptegen jyl boıy Qazaqstan shahmat federasııasyn basqaryp keledi, Qazaqstantrıatlon federasııasynyń vıse-prezıdenti jáne Almaty trıatlon federasııasynyń jetekshisi.
– Jańadan qurylǵan qaýymdastyqtyń basty mindeti – qazaqstandyq barlyq MMA jekpe-jek federasııalaryn biriktirý jáne de birlese otyryp bizdiń sportshylardy álemdik sport kóshbasshylarynyń qataryna shyǵarý, - dep atap ótti Ǵ.Esenov.
Osy jyly Almatyda aqpan aıynyń 13-men 16-sy aralyǵynda Qazaqstanda jaqynda qurylǵan MMA birikken qaýymdastyǵynyń egıdasymen aralas jekpe-jekten QR Chempıonaty (MMA) ótedi.
Aldaǵy chempıonatqa óńirlik irikteý týrnırleriniń jeńipazdary qatysady. Jarys qorytyndysy boıynsha jattyqtyrýshylar Taılandta ótetin Azııa chempıonatyna, Qazaqstan Respýblıkasynyń MMA aralas jekpe-jekten quramasyn qalyptastyrady.
MMA aralas jekpe-jegi 1995 jyly qurylǵan sporttyń jańa túri. MMA – bul jekpe-jektiń kez kelgen qashyqtyǵynda jáne kez kelgen jaǵdaıynda qoldanylatyn kúres tehnıkalaryndaǵy túrli tásilder men soqqylardyń kombınasııalary. Qazaqstan Respýblıkasynda 6 jyl buryn, 2013 jyldyń maýsym aıynda MMA sporttyń resmı túri retinde tanyldy.
