Zań jobasynyń maqsaty - sot júıesin jańǵyrtý, sýdıa kadrlaryn sapalyq jaǵynan damytý jáne jańartý, sýdıalar táýelsizdiginiń kepildikterin kúsheıtý jáne sýdıalarǵa quqyqqa syıymsyz yqpaldy bolǵyzbaý. Zańnamalyq qujatta Joǵarǵy Sot pen oblystyq sottardyń jalpy otyrystarynyń tóralqalaryn taratý usynylady.
Jergilikti sottyń sýdıalaryn Joǵarǵy Sottyń keńeıtilgen jalpy otyrysynyń quramyna jiberý máselelerin jáne Joǵary Sot Keńesiniń, Sot jıýrıiniń, Kadr rezervi jónindegi komıssııanyń, Sot tóreliginiń sapasy jónindegi komıssııanyń quramyna sýdıalardyń kandıdatýralaryn qaraıtyn oblystyq sottyń keńeıtilgen jalpy otyrysy engiziledi. Sýdıalarǵa qatysty tártiptik isterdi qaraý úshin Joǵarǵy Sot Keńesiniń janynda Sot jıýrıi qurylady, ol sýdıalardan, zańgerler jurtshylyǵynyń ókilderinen jáne sýdıalar qatarynan Joǵarǵy Sot Keńesiniń múshesinen turady.
Budan basqa, Joǵarǵy Sot Keńesiniń janynda Kadr rezervi jónindegi komıssııa da qalyptastyrylady. Joǵarǵy Sottyń janynda oblystyq jáne Joǵarǵy sottardyń sýdıalarynan, sondaı-aq otstavkadaǵy sýdıalardan turatyn Sot tóreliginiń sapasy jónindegi komıssııa qurylady. Oblystyq sottyń sýdıasy laýazymyna kandıdattar úshin kepilgerlik ınstıtýty alyp tastalady. Solar bolǵan kezde adam sýdıa laýazymyna ornalasa almaıtyn birqatar shart alǵash ret zańda belgilenedi. Joǵarǵy Sot Keńesiniń shalǵaı jerlerde ornalasqan sottardyń tizbesin aıqyndaý jónindegi ókilettigi naqtylanady. О́lshemsharttar júıesin, onyń ishinde sottaǵy, prokýratýra organdaryndaǵy, advokatýradaǵy jumysty eskeretin ólshemsharttardy paıdalana otyryp, bos sýdıalyq laýazymdarǵa kandıdattardy irikteý týraly norma bekitiledi. Sýdıa laýazymyna kandıdattar «Qazaqstan Respýblıkasynyń Joǵarǵy Sot Keńesi týraly» Zańda kózdelgen jaǵdaılarda polıgrafologııalyq zertteýge jiberiletin bolady.
Sonymen qatar, Májilis búgingi otyrysta balanyń quqyqtaryn qorǵaý jónindegi uıymdardyń qyzmeti máseleleri boıynsha ózgerister men tolyqtyrýlar engizý týraly depýtattyq zań jobasyn ekinshi oqylymda maquldady. Zań jobasynyń maqsaty balalardyń quqyqtaryn qorǵaýdy júzege asyratyn uıymdardyń jumys isteýimen baılanysty máselelerdi fýnksııalardy naqtylaý esebinen olardyń qyzmetin jetildirý, sondaı-aq Ulttyq aldyn alý tetigi mandatyn balanyń quqyqtaryn qorǵaý jónindegi fýnksııalardy júzege asyratyn barlyq uıymdarǵa qoldaný arqyly zańnamalyq deńgeıde keshendi sheshý. Zań jobasymen jumys isteý barysynda depýtattar balanyń quqyqtaryn qorǵaý jónindegi fýnksııalardy júzege asyratyn uıymdardyń tizbesin naqtylaýǵa; bilim berý salasyndaǵy ýákiletti organǵa balalardyń quqyqtaryn qorǵaý salasynda arnaýly áleýmettik qyzmetter kórsetý standarttaryn ázirleý jáne bekitý jónindegi fýnksııany berýge; ómirlik qıyn jaǵdaıda júrgen balalardy qoldaý ortalyqtaryn qurý jáne olardyń jumys isteýi úshin zańnamalyq negizder qalyptastyrýǵa; Qylmystyq kodekske jazalaý merzimderin ulǵaıtyp, sondaı-aq belgili bir laýazymdy atqarýǵa jáne belgili bir qyzmetpen aınalysýǵa ómir boıyna tyıym sala otyryp, kámeletke tolmaǵandarǵa qatysty jasalǵan qylmystardy jeke bólikter etip shyǵarýǵa jáne basqa da birqatar túzetý engizdi. Depýtattardyń usynystaryn qaraý qorytyndysy boıynsha Qazaqstan Respýblıkasynyń 6 kodeksi men 6 zańyna túzetýler engizý kózdelgen.
Sondaı-aq, otyrysta Qazaqstan men Reseı Úkimetteri arasyndaǵy elimizge munaı jáne munaı ónimderin jetkizý salasyndaǵy saýda-ekonomıkalyq yntymaqtastyq týraly Kelisimge ózgerister engizý týraly hattamany ratıfıkasııalaý týraly zań jobasy depýtattar tarapynan qoldaý tapty. Jalpy otyrys sońynda halyq qalaýlylary birneshe depýtattyq saýaldar joldady. Olar N. Sabılıanov, G. Baımahanova, J. Ahmetbekov, R.Kım, Ý.Qaınazarov, T.Syzdyqov, K.Absatırov, V.Kosarev, B. Dúısenbınov, A. Mýradov, A.Qońyrov, M.Temirjanov, A.Perýashev.
