Búginde Túrkistan oblysynda jastardyń sany 501 myńnan asady. Onyń ishinde qala jastary – 86 416 (17,3%), aýyl jastary – 414 953 (82,7%). Oblysta 2 joǵary oqý orny jáne 66 orta arnaýly oqý ornynda – 57 672 stýdent bilim alyp jatyr. Olardy jataqhanamen qamtý máselesi de basty nazarda. Búginde 45 jataqhanaǵa 8553 stýdent ornalasqan. Bul - jalpy stýdentterdiń 15 paıyzy. Soltústik óńirlerde bilim alyp júrgen jastar da az emes. Mysaly, «Serpin - 2050» baǵdarlamasy aıasynda – 9 313 jas bilim alýda. Bul - respýblıka boıynsha bilim alyp jatqan jastardyń 50 paıyzdan astamyn quraıdy. Al ótken jyly «Serpin – 2050» baǵdarlamasy aıasynda 440 jas oqýyn bitirse, onyń 63,3 paıyzy turaqty jumysqa ornalasqan. «Jasyl el» baǵdarlamasy boıynsha jyl saıyn 1275 jas, «Dıplommen aýylǵa» jobasy aıasynda 913 jas maman jumysqa ornalasyp, 314 maman baspanaly boldy.
Jastarǵa áleýmettik qoldaý kórsetý masqatynda bıylǵy jyly aýdan, qalalardaǵy 500-den astam jumyssyz azamatty Túrkistan qalasynda salynyp jatqan qurylys jumystaryna tartý úshin «Túrkistan jastar qurylys jasaǵy» qurylyp, merdiger kompanııalarymen kelissózder júrgizilýde. Sondaı-aq Memleket basshysynyń tapsyrmasyna sáıkes óńirlik «Jas Sarbaz» áskerı-patrıottyq jastar qozǵalysy quryldy. Jastar jylyna oraı bıyl naýryz aıynan bastap jyl sońyna deıin «Aýdan jastarynyń Túrkistanǵa tartýy» atty aptalyq uıymdastyrylyp, 1000-nan astam mádenı-sporttyq is-shara ótkizilmek. «Túrki jastarynyń kongresi» jáne «Orta Azııa jastarynyń forýmy» halyqaralyq is-sharalaryn ótkizý de bıylǵy aıtýly jylǵa josparlanǵan ıgi isterdiń biri.
Ǵalymjan ELShIBAI,
«Egemen Qazaqstan»
Túrkistan oblysy
