Qurmetti otandastar!
Qazaqstan Respýblıkasynyń Prezıdenti N.Á.Nazarbaev Jastar jylyn resmı ashty, is-shara aıasynda qazaqstandyq jastardy jan-jaqty qoldaý boıynsha aýqymdy sharalar aıqyndaldy.
Bul sharalar jas azamattardyń ómirlik mańyzdy máseleleriniń keń spektrin – qoljetimdi jáne sapaly bilim alý, jumysqa ornalasý, jas otbasylar úshin turǵyn úı máselelerin sheshýge baǵyttalǵan.
Memleket basshysy áleýmettik satylardyń sapaly jańa platformasyn qurý jóninde tapsyrma berdi, olar jastardyń barlyq sanattaryn – jumyssyzdar men stýdentterden bastap ǵalymdarǵa deıin, aýyl eńbekkerleri men jumysshylardan kásipkerlerge deıin qamtıdy.
«Jas kásipker», «Jas maman» baǵdarlamalary, jas ǵalymdardyń irgeli jáne qoldanbaly zertteýlerin granttyq qarjylandyrý, «Bıznes-2020» jol kartasy aıasynda jas kásipkerler úshin granttardy eki ese ulǵaıtý, Jastardyń startap-jobalaryn qoldaý qory, volonterlikti yntalandyrý bizdiń jastardyń áleýmettik damý ortasyn túbegeıli ózgertedi.
Shyn máninde, Memleket basshysynyń sóılegen sózi Qazaqstan jastaryna arnalǵan jańa aýqymdy jáne irgeli Joldaýǵa aınaldy.
Basty maqsat – elimizdiń ár azamatynyń ál-aýqatyn arttyrý.
Jastar jyly – bul biz úshin eldegi ózgerister úderisine tikeleı atsalysýdyń biregeı múmkindigi.
Bul – árbir jas qazaqstandyq úshin jaýapty jáne mańyzdy kezeń.
Bizdiń ortaq azamattyq paryzymyz – jan men júrektiń qalaýy boıynsha eńbek etý jáne jasampaz bolý.
Uly dala eliniń naǵyz patrıottary bolý.
Biz, Jastar jyly Otanymyzdyń órkendeýine úles qosatyn jańa jetistikterge toly bolatynyna senimdimiz.
Biz shynaıy qazaqstandyq qundylyqtarǵa – qoǵamdyq kelisim men jalpyulttyq birlikke degen qurmet úlgisin kórsetýge shaqyramyz.
Olar bizdiń ortaq jetistikterimiz ben tabystarymyzdyń kepili bolyp qyzmet etti jáne bolashaqta da qyzmet etedi.
Qazaqstannyń jastary ózderine jáne óz kúshterine senedi.
Biz Jastar jylynyń mindetterin sheshý maqsatynda birigýge jáne jastardy jeke úles qosýǵa shaqyramyz.
Qazaqstan halqy Assambleıasynyń «Jańǵyrý joly» respýblıkalyq jastar qozǵalysy
2019 jylǵy 23 qańtar
