Qazaqstan • 24 Qańtar, 2019

Astanada brıtandyq qalamger Nık Fıldıngpen kezdesý ótti

285 retkórsetildi

Astana qalasyndaǵy Ulttyq akademııalyq kitaphanada brıtandyq jazýshy, Oksford ýnıversıtetiniń professory, «Ońtústikke deıin Uly dala: Tomas pen Lıýsı Atkın­sonnyń Shyǵys Qazaqstandaǵy saıahattary, 1847-1852 j.j.» («South to the Great Steppe: The Travels of Thomas and Lucy Atkinson in Eastern Kazakhstan, 1846-1852») kitabynyń avtory Nık Fıldıngpen kezdesý keshi ótti.

Brıtandyq jýrnalıst Nık Fıl­dıng XIX ǵasyrda ómir súrgen qazaq­­tardyń tarıhyn, Qazaqstan men aǵylshyn ǵalymdarynyń kez­de­sýlerin júıelep hatqa tizip, Uly­brı­tanııa kitaphanalaryndaǵy qazaq jerine, tarıhyna, mádenıetine qa­tysty zertteý jumystarymen aınalysqan. Osy bir tyńǵylyqty izdenisiniń nátıjesinde ómirge kelgen «Ońtústikke deıin Uly dala: Tomas pen Lıýsı Atkınsonnyń Shy­ǵys Qa­zaq­standaǵy saıahattary, 1847-1852 j.j.» atty kitabynda avtor áıgili brı­tan jıhankezderiniń Si­bir jáne Qazaq dalasyna jasaǵan saıa­haty týraly jazady. Eńbektiń «Qa­paldan hat, 17 qazan 1848 jyl» ata­latyn tara­ýynda Tomas pen Lıýsıdiń Qazaq dalasyna kelgen sapary qyzyqty baıandalǵan. 

– Nık Fıldıng – qazaqty jan-táni­men jaqsy kóretin jazýshy. Qa­lamgerdiń ultymyzdyń má­denıe­­ti­ne degen qushtarlyǵy erek­she. Kıeli je­rimizdiń tarıhy men saltyn zert­tep, zerdelep júrgen she­tel­­dik ádebıetshilermen qarym-qaty­nasymyz odan ári de damyp, ny­ǵaıa beredi dep senemiz, – dedi shy­ǵar­mashylyq kezdesýde Ulttyq akade­mııa­lyq kitaphananyń basshysy Úmit­han Muńalbaeva. 

Mazmundy keshke Qajyǵalı Muham­bet­qalıuly, Tursyn Jurtbaı bas­ta­ǵan belgili qazaq jazýshylary men ǵalymdary, qoǵam qaıratkerleri qa­tys­ty. Sondaı-aq aıtýly is-shara bary­synda avtordyń «Ońtústikke deıin Uly dala: Tomas pen Lıýsı Atkınsonnyń Shyǵys Qazaqstandaǵy saıahattary, 1847-1852 j.j.» kitabyn qazaq jáne orys tilderine aýdarý úshin avtorlyq quqyq alý jónindegi kelisimshartqa qol qoıyldy. 

Nazerke JUMABAI,

«Egemen Qazaqstan»

Sońǵy jańalyqtar

Zań kimniń jaǵynda?

Búgin, 02:00

Almaty jasyl qalaǵa aınalady

Ekologııa • Keshe

Bulandydaǵy berekeli is

Aımaqtar • Keshe

Mal baqqanǵa bitedi...

Aımaqtar • Keshe

Tekeli – eńbekshiler mekeni

Aımaqtar • Keshe

Jer ıesin tapsa ıgi

Aımaqtar • Keshe

Ǵasyrlarǵa ulasar uly tuǵyr

Rýhanııat • Keshe

«Ádilet, shapqat kimde bar...»

Rýhanııat • Keshe

Bárimizdiń Abaıymyz

Rýhanııat • Keshe

Investısııalar ıgiligi

Ekonomıka • Keshe

Maqtaaralda dıqanshylyq bastaldy

Aımaqtar • 16 Qańtar, 2020

Uqsas jańalyqtar