Aımaqtar • 24 Qańtar, 2019

Qostanaı polıseıleri geroınniń iri partııasyn tárkiledi

330 ret

kórsetildi

1 mın

oqý úshin

Oblystyq Polısııa departamenti Uıymdasqan qylmyspen kúres basqarmasynyń qyzmetkerleri jedel izdestirý sharalary barysynda 1,5 keli geroın jasyrǵan eki adamdy ustady.

Egemen Qazaqstan

Qostanaı polıseıleri geroınniń iri partııasyn tárkiledi

Polısııa departamenti qyzmetkerleri bul qylmystyq toptyń 2018 jyly-aq kózge túskenin aıtyp otyr.Qostanaı qalasynyń irgesindegi Kıev poselkesinen ustalǵan 47 jastaǵy er adam men 35 jastaǵy áıel esirtki zattaryn tyǵyp, zańsyz saýdalap kelgen. Er adam kóshedegi dárethana edeniniń astyna esirtkini shegemen bekitip, tyǵyp ustaǵan. Tabylǵan geroınniń salmaǵy 1 kılogramm 615 gramm boldy.

Onyń 35 jastaǵy sybaılas áıeli úıine 13 gramm tartatyn 81 geroın túıinshegin jasyrǵan. Qazir osy ister boıynsha sotqa deıingi tergeý jumystary júrip jatyr. Zańsyz esirtki saýdasymen aınalysqan sybaılastar endi QR QK 297-babynyń 3-bólimi boıynsha zań aldynda jaýap beretin bolady. Bul bap boıynsha olar 10 jyldan 15 jylǵa deıin bas bostandyǵynan aıyrylýy múmkin, múlki tárkilenedi.

Názıra JÁRIMBET,

Egemen Qazaqstan

Qostanaı