Saran qalasyndaǵy elektr stansasynyń iske qosylýy - Memleket basshysynyń syrtqy saıasatty «ekonomızasııalaý», Qazaqstanǵa ozyq tájirıbeni, bilimdi, tehnologııa men ınvestısııalardy tartý boıynsha mindetterin is júzinde júzege asyrýdyń jarqyn úlgisi.
Qysqa merzimde iske asyrylǵan joba ortalyq jáne jergilikti bılik organdarynyń Germanııa Federatıvtik Respýblıkasy, Chehııa jáne Slovakııa Respýblıkalary kompanııalarynyń tobymen, sondaı-aq Eýropa qaıta qurý jáne damý bankimen (EQQDB) birlesken jumystyń nátıjesi boldy.
Elektr stansııasynyń qurylysy barysynda jergilikti mazmunǵa, onyń ishinde Sarandaǵy kompanııalardan eńbek ónimdi, buıymdardy jáne qurylys materıaldardy tartýǵa erekshe nazar aýdaryldy. Sonymen qatar, jańa elektr stansasynda jergilikti turǵyndar úshin jumys oryndary ashyldy.
Elektr stansııasynyń iske qosylýy elimizdegi jańartylatyn energııa kózderiniń úlesin arttyrý, «jasyl» tehnologııalarǵa kóshý boıynsha Qazaqstan Prezıdenti Nursultan Nazarbaevtyń tapsyrmalaryn iske asyrýǵa taǵy bir úles qosý boldy.
Bul týraly Energetıka mınıstri Qanat Bozymbaev, Germanııanyń Qazaqstandaǵy Elshisi Tılo Klınner, Qaraǵandy oblysynyń ákimi Erlan Qoshanov, «Jasyl tehnologııalar jáne ınvestısııalyq jobalar halyqaralyq ortalyǵy» AQ basshysy Rápil Joshybaev sóz sóıleýlerinde atap ótti.
Buǵan deıin «Saran qalasynda 100 MVt qýaty bar kún elektr stansasyn salý» jobasy «Astana EKSPO-2017» Halyqaralyq mamandandyrylǵan kórmesi aıasynda tanystyryldy.
Ashylý rásimine deıin taraptar 500 mln AQSh dollaryn quraıtyn ınvestısııalardy keńeıtýdi kózdeıtin «SES Saran» jobasyn damytý týraly memorandýmǵa qol qoıdy.
Sonymen qatar, resmı ashylý rásimine Syrtqy ister mınıstrliginiń ókilderi qatysyp, Saran, Qaraǵandy oblysy jáne german «Goldbek Solar» kompanııasynyń basshylyǵymen kelissózder ótkizdi. Kelissózderdiń nátıjeleri boıynsha eýropalyq ınvestorlardyń qatysýymen aımaqtyq jobalardy ilgeriletýde jáne olardyń tehnologııalaryn tartýǵa ekonomıkalyq dıplomatııany odan ári damytý týraly kelisimderge qol jetkizildi.
