Atap aıtqanda, 2018 jyldyń 15 maýsymynda, 2 tamyzynda jáne 20 qyrkúıeginde «Mańǵystaý oblysyndaǵy ınvestısııalyq hal-ahýal: sybaılas jemqorlyqqa qarsy is-qımyl mehanızmderi» atty taqyrypta oblystyq sybaılas jemqorlyqqa qarsy ınvestorlar forýmy uıymdastyryldy.
Atalǵan sharaǵa arnaıy monıtorıng tobynyń, kásipkerler palatasynyń, «Kazah Invest» AQ, oblystaǵy shetel kompanııalarynyń ókilderi keń kólemde qatysty. Investorlarǵa Agenttiktiń «Investorlardy sybaılas jemqorlyqqa qarsy súıemeldeý» jańa jobasy tanystyrylyp, shetel kompanııalary bul joba aıasynda yntymaqtastyqqa shaqyryldy. Sonymen birge joba aıasynda «Kazah Invest» AQ negizinde «Protecting Business and investments» front-ofısi ashyldy.
Joba sheńberinde 17 kompanııa, onyń ishinde 8 sheteldik jáne 9 otandyq kásiporyndar kelisimge qosylyp, jalpy somasy 412,31 mlrd teńgeni qurady. Atap aıtqanda, sheteldik kompanııalar qatarynda ázirbaıjandyq «Aktaý Energomash» JShS jáne «Semurg Invest» JShS, sıngapýrlyq «Topan Chemical» JShS, túrkııa men germanııalyq birlesken «Satex Chemie» JShS, úndistandyq «South Caspian Operating Company» Siva Swati Textiles Pvt. Ltd» birlesken kásiporny, qytaılyq «Safbon Beltway Concortium» kompanııasy, germanııalyq «SAGA Atash» JShS jáne túrkııalyq «Aqtaý halyqaralyq áýejaıy» AQ bar. Al otandyq kompanııalardyń qatarynda «Domostroıtelnyı kombınat Aktaý» JShS, «Gorod masterov IP Bıtner A.V.», «Kazakh Production Group» JShS, «Estýrlıeva L.» jeke kásipker, «HazarMýnaıGazKýrylys» JShS, «Sobko» jeke kásipkeri, «Tastai» JShS, «Batys Invest Group» jeke kásipkeri jáne «West Commerce Trade» JShS bar.
Jalpy sany 29 shaǵym túsip, 27 shaǵym boıynsha kásipkerlerdiń quqyqtary qorǵaldy, 2 ótinish áli qaralýda.
Mysal retinde, «Protecting Business and investments» jobasy aıasynda kásipkerlerdiń quqyqtaryn qorǵaý baǵytynda «Gorod masterov IP Bıtner A.V.» jeke kásipkeriniń jıhaz fabrıkasyna gaz dálizin jolǵa qoıý jáne vızýaldy jarnama bannerleriniń eskızderin kelisý máseleleri boıynsha óńirlik front-ofıske shaǵym túsken bolatyn.
Aýmaqtyq departamenttiń shuǵyl áreket etýiniń nátıjesinde kásipkerdiń shaǵymdanǵan eki máselesi de oń sheshimin tapty.
Gúlaıym ShYNTEMIRQYZY,
«Egemen Qazagstan»
Mańǵystaý oblysy
