18 qańtarda Panfılov aýdandyq ishki ister basqarmasyna belgisiz er adam telefon soǵyp, Kóktal aýylynyń ákimdigine ornalasqan ýchaskelik ınspektordyń jumys bólmesine jarylǵysh zat qoıylǵany týraly habarlaǵan. «102» jelisi boıynsha bul aqparat aýdannyń barlyq arnaýly qyzmetin aıaǵynan tik turǵyzyp, tártip saqshylary aýyl ákimdigi qyzmetkerleri men sol mańdaǵy 6 úıdiń turǵyndaryn qaýipsiz jerge kóshirgen.
Munan keıin aýyl ákimdiginiń ǵımaratyn saperlar muqııat tekserip, eshqandaı jarylǵysh zat tappady. Qazir anyqtalǵan kúdiktige zań talaby boıynsha «lańkestik týraly jalǵan aqparat taratýshy» retinde aıyp taǵyldy.
Qalmahanbet MUQAMETQALI,
«Egemen Qazaqstan»
Almaty oblysy
