О́tken jyldy jas otandyqtar «English for jastar» partııalyq jobasy aıasynda aımaqtyń barlyq aýdanynda 11 erikti aǵylshyn tilin oqýshylarǵa tegin úıretti. Kitaphanalardy jastar suranysyna saı etip jańǵyrtý, «Bilim ortalyǵyna» aınaldyrý isi de sheshildi. Al, «Sıfrly Qazaqstan» baǵdarlamasyn júzege asyrý maqsatynda «Digital Nation» jobasy iske qosyldy. «Grand master» baǵdarlamalaý mektebimen jasalǵan memorandým aıasynda ata-ana qamqorlyǵynsyz qalǵan, áleýmettik jaǵdaıy tómen otbasynan shyqqan balalar IT sabaqtardy jeńildikpen oqyǵan. Oblystyq «Jas Otan» Jastar qanaty munan ózge jastar úshin utymdy birneshe jobany sátti qorytyndylady.
«Jastar jylyndaǵy jetistigiń» atty respýblıkalyq aksııaǵa barsha jastar qatysa alady.
- Jastar jyly - jas dáriger eń alǵashqy eń qıyn operasııasyn jasaýy, jas jazýshy alǵashqy kitabyn aıaqtaýy múmkin. Jas ǵalym ǵylymı jańalyq ashyp, jas eginshi rekordtyq ónim jınaýy, jas sportshy elimizdiń atyn álemge tanytýy múmkin. Aksııanyń maqsaty – jastardy mańyzdy jetistikterge umtyldyrý. Sondyqtan elimizdegi barsha jasty aksııaǵa belsene qatysýǵa shaqyramyz, – dedi oblystyq «Jas Otan» JQ tóraǵasy Talǵat Tiles.
Aksııa 2019 jyldyń 10 jeltoqsanyna deıin jalǵasatyn bolady.
Baqtııar TAIJAN,
«Egemen Qazaqstan»
