Al balyq ósirýshiler bul shyǵynnyń ornyn jaba almaı otyr. Máselen, 2017 jyly 109 tonna balyq ósirilse, 2018 jyly 130 tonna ǵana ósire alǵan. Osyǵan oraı oblysta balyq sharýashylyǵyn damytý baǵdarlamasy qolǵa alynyp, balyq ósirý kásiporyndarynyń sanyn úsh esege arttyrý mejelenip otyr.
– Balyq jemi qymbat. Sondyqtan, sýbsıdııa bólý máselesi ózekti. Bıyl oblystyq bıýdjetten 4 mln 200 myń teńge qaraldy. Balyq ósirýshi on sharýashylyq jem satyp alatyn bolsa, ár keli jemge 105 teńgeden sýbsıdııa alýǵa múmkindikteri bar. Olarmen qazir jumys jasap jatyrmyz, - deıdi oblystyq tabıǵı resýrstar, tabıǵat paıdalanýdy retteý basqarmasynyń bólim basshysy Jalǵas Ahmetov.
Jergilikti balyq sharýashylyqtaryn jemmen qamtamasyz etýde osyndaı sheshim qabyldanǵan. Al, qurama jemsiz balyqtyń salmaǵy óspeıdi. Balyqty kóbeıtýde brakonerlerge de qarsy kúres kúsheıtilmek.
Baqtııar TAIJAN,
«Egemen Qazaqstan»
Qyzylorda oblysy
