Aıta ketý kerek, ıpotekalyq turǵyn úı nesıesin berý baǵdarlamasy «Prezıdenttiń bes áleýmettik bastamasy» aıasynda QR Prezıdentiniń «árbir otbasyna turǵyn úı alýǵa jańa múmkindikter berý» atty alǵashqy bastamasyn júzege asyrý maqsatynda ázirlengen.
«7-20-25» baǵdarlamasyn júzege asyrýda óńirdegi 8 bank belsendi jumys jasaıdy, onyń ishinde «Qazaqstan Halyq Banki», «SentrKredıt Banki» jáne t.b bar.
«Bizdiń oblysta ekinshi deńgeıdegi bankter 3079,0 mln.teńgege 364 ótinim qabyldady. Onyń 202-si qazir 1776,0 mln.teńgege maquldanyp otyr. «Sentr Kredıt Banki» ekinshi deńgeıli bankter arasynda nesıe berýde kósh bastap tur, olarǵa barlyq turǵyn úı nesıeleriniń 67% berildi», - dedi Ushqyn Mynbaev BAQ ókilderine.
Esterińizge sala keteıik, «7-20-25» memlekettik baǵdarlamasynyń negizgi talaptary: jeke menshikte turǵyn úıdiń bolmaýy, tólem qabilettiligin rastaý, turǵyn úıdiń jalpy qunynyń 20% mólsherinde bastapqy jarnasynyń bolýy.
Baspasóz týry barysynda BAQ ókilderine atalǵan baǵdarlama aıasynda satylatyn páterler kórsetildi, sondaı-aq, Aqtóbeniń jyljymaıtyn múlik naryǵyndaǵy jańa ónim usynyldy: birinshi kezekte qajet etetin turmystyq tehnıkasy bar.tolyqtaı jıhazdalǵan páterler,
Sondaı-aq, Aqtóbede kóp qabatty kommersııalyq turǵyn úılerdiń qurylysymen 25 kompanııa aınalysatyny atap ótildi. Negizgi qurylys jumystary «Batys 2» turǵyn alabynda júrgiziledi.
Turǵyn úıdiń 1 sh. m. quny kommersııalyq turǵyn úılerdiń qabatyna baılanysty 140 000 – 160 000 teńge.
Sonymen qatar, spıker «Nurly jer» baǵdarlamasynyń ózgeristeri týraly da aıtyp ótti.
