S.Myńbaev «Qorǵas» ShYHO», «KTZE – Khorgos Gateway» Qurǵaq portyna jáne Altynkól stansııasyna bardy.
Altynkól stansııasynda Kompanııa basshysy jergilikti ınfraqurylymmen, konteınerlik poıyzdardy óńdeýdiń tehnologııalyq prosestermen tanysty.
2018 jyly Altynkól-Qorǵas shekaralyq ótpesi arqyly júk tasymalynyń kólemi 2709 myń tonnany qurasa, bul 2017 jylǵydan 66% artyq. 916 konteınerlik poıyz jóneltilse, bul 2017 jyldan eki esege kóp.
2018 jyldyń qańtar-jeltoqsanynda Qurǵaq portta 133, 9 myń JFE tıelse, bul 2017 jylǵydan 1,4 ese asty.
«Qorǵas-Shyǵys qaqpasy» AEA ákimshiliktik ǵımaraty men Qurǵaq port nysandaryn aralaý barysynda RSS jobasy, Nomad, júıesi, monıtorıngilik ortalyq, sondaı-aq East Gate Partners, Verno, «Fenıks Fıd Mılls» JShS, Hubei Kelison ınvestısııalyq jobalary tanystyryldy.
«Qorǵas» ShYHO Kompanııa basshysyna Ortalyq nysandaryn salý barysy týraly aqparat berilip, sonymen birge qazirgi kezdegi júzege asyrylyp jatqan ınvestısııalyq jobalar tanystyryldy. 2018 jyly ǵımarattarynyń aýmaǵy 193000 sharshy metr jáne jalpy aýmaǵy 32,7 gektarlyq qurylys alańdary bar 12 ınvestısııalyq kompanııa tartyldy.
«Qorǵas» ShYHO jumysyn bastaǵaly beri ınvestısııalyq nysandar qurylysyn júrgizýge 21 kelisim-shart jasaldy, ınfraqurylymdyq nysandardy qospaǵanda jer ýchaskeleriniń aýmaǵy 113,5 gektar, al ǵımarattar alańdary 805,4 myń sharshy metr.
S.Myńbaev sondaı-aq Nurkent qalasynyń tynys-tirshiligin qamtamasyz etetin ınfraqurylymdardy damytý, áleýmettik máselelerdi sheshý jaıynan habardar boldy.
