25 Qańtar, 2019

Ekonomıkalyq dıplomatııanyń nátıjesi

336 retkórsetildi

Qaraǵandy oblysynyń ónerkásiptik ortalyǵy – Saran qalasynda, Ortalyq Azııadaǵy eń iri qýaty 100 MVt bar «SES Saran» kún elektr stansasynyń saltanatty ashylý rásimi ótti.

Saran qalasyndaǵy elektr stan­sa­synyń iske qosylýy Memleket basshy­synyń syrtqy saıasatty «ekonomızasııalaý», Qazaqstanǵa ozyq tájirıbeni, bilimdi, tehnologııa men ınvestısııalardy tartý boıynsha mindetterin júzege asyrýdyń jarqyn úlgisi bolyp tabyldy.

Qysqa merzimde iske asyrylǵan joba ortalyq jáne jergilikti bılik organ­darynyń Germanııa, Chehııa jáne Slovakııa memleketteri kompanııalarynyń tobymen, sondaı-aq Eýropa Qaıta qurý jáne damý bankimen (EQQDB) birlesken jumystyń nátıjesi boldy.

Elektr stansasynyń qurylysy barysynda jergilikti mazmunǵa, onyń ishinde Sarandaǵy kompanııalardan eńbek ónimdi, buıymdardy jáne qurylys materıaldardy tartýǵa erekshe nazar aýdaryldy. Sonymen qatar jańa elektr stansasynda jergilikti turǵyndar úshin jumys oryndary ashyldy. Elektr stansasynyń iske qosylýy elimizdegi jańartylatyn energııa kózderiniń úlesin arttyrý, «jasyl» tehnologııalarǵa kóshý boıynsha Prezıdent Nursultan Nazarbaevtyń tap­syrmalaryn iske asyrýdyń taǵy bir qadamy boldy.

Bul týraly Energetıka mınıstri Qanat Bozymbaev, Germanııanyń Qazaqstandaǵy elshisi Tılo Klınner, Qaraǵandy obly­synyń ákimi Erlan Qoshanov, «Jasyl tehnologııalar jáne ınvestısııalyq jobalar halyqaralyq ortalyǵy» AQ basshysy Rápil Joshybaev atap ótti.
Buǵan deıin «Saran qalasynda 100 MVt qýaty bar kún elektr stansasyn salý» jobasy «Astana EKSPO-2017» ma­man­dandyrylǵan kórmesi aıasynda tanys­ty­ryldy.

Ashylý rásimine deıin taraptar 500 mln AQSh dollaryn quraıtyn ınvestısııalardy keńeıtýdi kózdeıtin «SES Saran» jobasyn damytý týraly memo­ran­dýmǵa qol qoıdy.

Sonymen qatar resmı ashylý rásimine Qazaqstan Syrtqy ister mınıstrliginiń ókilderi qatysyp, Qaraǵandy oblysy men germanııalyq «Goldbek Solar» kompanııasynyń basshylyǵy kelissózder júrgizdi. Kelissózderdiń nátıjeleri boıynsha, eýropalyq ınvestorlardyń qatysýymen aımaqtyq jobalardy ilgeriletýde jáne olardyń tehnologııalaryn tartýǵa ekonomıkalyq dıplomatııany odan ári damytý týraly kelisimderge qol jetkizildi.

Daıyndaǵan Joldybaı BAZAR,

«Egemen Qazaqstan»

Sońǵy jańalyqtar

ShQO-da qar kóshkini júrdi

Aımaqtar • Keshe

Balalyq shaqtyń kórmesi

Qoǵam • Keshe

Uly hakim ulaǵaty urpaqqa úlgi

Rýhanııat • Keshe

Qazaqtyń tuńǵysh abaıtanýshysy

Rýhanııat • Keshe

Uqsas jańalyqtar