«О́tken jyly qala ekonomıkasyna 1 trln 56 mlrd teńge ınvestısııa tartyldy. Biz mundaı mejeni alǵash ret baǵyndyrdyq. Bul qalanyń óz-ózin jetkilikti qamtyp otyrǵandyǵyn jáne ınvestorlar úshin, shaǵyn jáne orta bıznes úshin tartymdy ekendigin bildiredi», – dedi qala ákimdiginde ótken brıfıngte ınvestısııa jáne kásipkerlikti damytý basqarmasynyń basshysy Álisher Ábdiqadyrov.
Onyń málimeti boıynsha, eger buryn qala bıýdjeti jartylaı memleketten qarjylandyrylsa, búginde qalany damytýǵa tartylǵan jeke ınvestısııalar 86% - dy quraıdy. «Bir aıta keterligi, ınvestısııanyń 71% shaǵyn bızneske tıesili. О́tken jyly ınvestısııanyń 750 mlrd teńgesin osy shaǵyn bıznes sýbektileri quıdy», – dedi ol. Investısııalar quıylatyn negizgi sektorlarǵa jyljymaıtyn múlik jáne kólikke qatysty oryndalatyn operasııalar jatady. «Eger Astanany joba retinde qarastyrsaq, ol óte qolaıly, ekonomıkalyq turǵydan óte tıimdi joba. 20 jyl ishinde Astanany damytýǵa bıýdjetten shamamen 2 trln teńge qarjy bólinse, qala bıýdjetke 6 trln teńge qaıtardy», dedi ol.
