25 Qańtar, 2019

Almaty oblysynda 6253 jas maman «Dıplommen aýylǵa» keldi

479 retkórsetildi

Elimiz boıynsha «Dıplommen aýylǵa» jobasy 2009 jyly júzege asty. Bul baǵdarlama aýyldyq óńirlerdi jas mamandarmen qamtýǵa arnalǵan tıimdi bastama boldy.

Almaty oblysynda joba bastalǵaly beri 6253 jas maman óńirdegi aýyldarǵa at basyn burǵan eken. Esep boıynsha 2009 – 2018 jyl aralyǵynda «Dıplommen aýylǵa» kelgenderge jalpy somasy 785,3 mln teńge bolatyn kóterme járdemaqy berilgen. Al ótken jyly ǵana bul qoldaýǵa 571 jas maman ıe bolypty.

Jalpy, 2009 – 2018 jyl aralyǵynda «Dıplommen aýylǵa» jobasyna qatysýshylarǵa qandaı mamandyqtar boıynsha suranys boldy? Málimetter eń joǵary kórsetkish bilim salasyna qatysty ekenin aıtady. Jetisýdyń aýyldaryna bala oqytýǵa kelgen jas muǵalim sany 4328 adamdy quraǵan. Munan keıingi oryn medısına salasyna buıyrypty, 1487 dárger, medbıke sııaqty mamandyq ıesi elge oralǵan. Sondaı-aq, 236 jas maman agroónerkásip keshenine, 113 adam mádenıet mekemelerine, 49 jas áleýmettik qamsyzdandyrý salasyna jáne 40 sport mamany óz bolashaǵyn aýylmen baılanystyrýǵa bel býǵan eken. Aıtpaqshy, joba aıasynda berilgen turǵyn úı satyp alý nesıesiniń  jalpy kólemi 7,7 mlrd teńge shamasynda. Bul qarjyǵa 2912 jas maman baspana satyp aldy deýge bolady.

Elbasy Nursultan Nazarbaev Jastar jylynyń ashylýynda sóılegen sózinde  «Dıplommen aýylǵa» jobasy boıynsha beriletin kóterme aqyny 70 aılyq eseptik kórsetkishten arttyryp, 100 prosentke deıin jetkizýdi aıtqan edi. Qazir Almaty oblysynyń ákimdigi bul tapsyrmany oryndaýǵa kiristi. Bıyl suranysqa ıe 742 jas maman kóterme járdemaqyny 176750 teńge mólsherinde alady dep kútilýde. Munan bólek, taǵy 523 adamǵa 3787,5 myń teńge mólsherinde 523 maman jeńildetilgen nesıe berý josparlandy.

Qalmahanbet MUQAMETQALI,

«Egemen Qazaqstan»

Almaty oblysy

Sońǵy jańalyqtar

ShQO-da qar kóshkini júrdi

Aımaqtar • Keshe

Balalyq shaqtyń kórmesi

Qoǵam • Keshe

Uly hakim ulaǵaty urpaqqa úlgi

Rýhanııat • Keshe

Qazaqtyń tuńǵysh abaıtanýshysy

Rýhanııat • Keshe

Uqsas jańalyqtar